ՀԸԶՊԱԼԼԱՅԻ ՇՔԱԽՈՒՄԲ ՄԸ ՊԱՅԹՈՒՄԻ ԹԻՐԱԽ

0
143

Լրատուական ազգային գործակալութիւնը հաղորդեց, թէ  երէկ կէսօրէ ետք,  Մէժտ Էլ Այնճար –  Մասնաա  ճանապարհին վրայ,  արծաթագոյն  Ճի. Էմ. Սի.   ինքնաշարժ մը դարձաւ անծանօթներու կողմէ  նախապէս  զետեղուած  ռումբի  մը   թիրախը:  Գործողութեան   թիրախը   Հըզպալլայի  շքախումբ մըն էր:  Պայթումին վիրաւորները՝  Հըզպալլայի  հինգ  անդամներ,  փոխադրուեցան  Շթորայի, Ռայաքի  եւ Պէյրութի Ռասուլ Աազամ  հիւանդանոցը:  Լիբանանեան բանակը անմիջապէս   հասաւ   միջադէպին  վայրը եւ հետաքննութիւն մը սկսաւ  վարել  պայթումին պայմաններուն  շուրջ:

Լրատուական աղբիւրներ տարբեր  թիւեր հաղորդեցին   վիրաւորներուն թիւին մասին: Աւելի ուշ, ապահովական  մարմիններ յայտնեցին, թէ  պայթումին հետեւանքով   մահացած էր անձ մը, երեք ուրիշներ՝  վիրաւորուած:

LEAVE A REPLY

Please enter your comment!
Please enter your name here