ՄԱՐԶԱԿԱՆ ԼՈՒՐԵՐ – ԳԱՒԱՆԻ ՄԻԱՑԱՒ ՓԱՐԻ ՍԷՆ ԺԵՐՄԷՆԻ

0
152

 Ուրուկուէյի  հաւաքականի  յարձակող  Էտինսոն Գաւանի  Նափոլիէն փոխանցուեցաւ  Փարի Սէն Ժերմէնի: 26-ամեայ ուրուկուէյցին   հինգ տրուան պայմանագրութիւն մը ստորագրեց ֆրանսական ակումբին հետ:  Ան պիտի խաղայ թիւ 9-ը համարը կրող  մարզաշապիկին տակ: Գաւանիի փոխանցման գումարը  արժեց  64  միլիոն եուրօ:  Ան 2010-ին  Փալերմոյէն միացած էր Նափոլիին: Անցնող  տարեշրջանին Գաւանի  29 կոլ  նշանակեց   Նափոլիի շապիկով:

ՍՊԱՆԻՈՅ ՄԷՋ ՊԻՏԻ  ՏԵՂԱԴՐՈՒԻ  ԻՆԻՅԷՍԹԱՅԻ ԱՐՁԱՆԸ

  Սպանիոյ   Ֆուենթեալպիլիա քաղաքին մէջ  Ուրբաթ, 19  Յուլիսին  պիտի  տեղադրուի   գաթալոնական Պարչելոնա խումբի միջնապահ Ինիյէսթայի արձանը:  29-ամեայ  ֆութպոլիստը  ծնած է  Ֆուենթեալպիլիայի մէջ,  1984-ին:

ԱԼՔԱՆԹԱՐԱ  ՄԻԱՑԱՒ  ՊԱՅԵՐՆ ՄԻՒՆԻԽԻ

Պարչելոնայի եւ Սպանիոյ  երիտասարդական  հաւաքականի կիսապաշտպան   Թիակօ Ալքանթարա  միացաւ  Պայերն Միւնիխի:  22-ամեայ  ֆութպոլիստը պիտի կրէ թիւ  6  շապիկը:  Ան  չորս տարուան պայմանագրութիւն մը կնքեց գերմանական ակումբին հետ: Փոխանցման սակը կը գնահատուի  22  միլիոն եուրօ:

ՀԵՆՐԻԽ ՄԽԻԹԱՐԵԱՆԸ ԿՈԼԻ  ՀԵՂԻՆԱԿ

  Ֆութպոլի  բարեկամական  մրցումի մը ընթացքին, Պորուսիա Տորթմունտ  4-1  արդիւնքով    պարտութեան մատնեց  զուիցերիական   Լուցերն խումբին:   Տորթմունտի երրորդ կոլը, մրցումի   43-րդ վայրկեանին,  նշանակեց Հենրիխ Մխիթարեանը: Սակայն կոլ  նշանակելու պահուն,  24- ամեայ ֆութպոլիստը  վնասեց ոտքը եւ  չշարունակեց մրցումը:

 

LEAVE A REPLY

Please enter your comment!
Please enter your name here