ԱՇԹԸՆ ՔՆՆԱՐԿԵՑ ԵԳԻՊՏՈՍԸ ԺՈՂՈՎՐԴԱՎԱՐՈՒԹԵԱՆ ՎԵՐԱԴԱՐՁՆԵԼՈՒ ՀԵՌԱՆԿԱՐՆԵՐԸ

0
117

Եւրոպական  Միութեան արտաքին  քաղաքականութեան գլխաւոր բանագնաց Քաթրին Աշթըն   ժամանեց Գահիրէ եւ  հանդիպում մը ունեցաւ   Եգիպտոսի արտաքին գործոց նախարար Նեպիլ Ֆեհմիի հետ:   Հանդիպման ընթացքին քննարկուեցան  Եգիպտոսը  շուտափոյթ  ժողովրդավարութեան  վերադարձնելու  հեռանկարները, ինչպէս նաեւ  Եգիպտոսի եւ Եւրոպական Միութեան միջեւ փոխյարաբերութիւնները  սերտացնելու  կարելիութիւնները:

Երկրին տարբեր շրջաններուն  մէջ նստացոյցեր  եւ հաւաքներ տեղի կ’ունենան նոր  իշխանութիւններուն  դէմ: Ապահովական ուժեր  եւ բանակը կ’աշխատին   հակակշիռի տակ պահել  ժողովրդային ընդվզումները:   Իսլամական Եղբայրակցութիւնը    մերժեց ճանչնալ 35 անդամներէ  բաղկացած  ժամանակաւոր կառավարութիւնը եւ  պահանջեց մինչեւ  ամսագլուխ իշխանութեան վրայ տեսնել Մորսին:

Եգիպտոսի ատեանը  հետաքննութիւն մը  բացաւ,  2011 թուականին,  նախկին նախագահ Մոհամմէտ Մորսիի եւ Իսլամական  Եղբայրակցութեան կարգ մը անդամներու  բանտէն   փախուստ տալու  պայմաններուն  շուրջ:

LEAVE A REPLY

Please enter your comment!
Please enter your name here