ԼԻԲԱՆԱՆԵԱՆ ԿԱՐՃ ԼՈՒՐԵՐ

0
111

 

– Երեսփոխան  Ժան  Օղասապեան յայտնեց, թէ  Պիր Էլ Ապտի   պայթումը  Հըզպալլայի եւ   Սուրիոյ  ընդդիմադիր ուժերուն  միջեւ  հակամարտութեան սկիզբն է:  Ան  նշեց՝ Հըզպալլա  չի կրնար  պաշտպանուիլ ապահովական կանխամիջոցառումներով  եւ  աւելցուց,  որ    քաղաքական  լուծումի կը կարօտին նման զարգացումներ:

–  Փաղանգաւոր Կուսակցութեան պետ Ամին  Ճեմայէլ պահանջեց  Լիբանանը   հեռացնել իր շահերուն  չհամապատասխանող  զարգացումներէն եւ  հոգալ՝  երկրին   պահանջներուն:

–  Լրատուական   աղբիւրներ կը հաւաստեն, թէ  ահաբեկիչ Ահմէտ Ասիր եւ  Ֆատէլ Շաքէր ապաստանած կը մնան  Այն Հելու  գաղթակայանին մէջ:

-Սուրիական հեռատեսիլը հաղորդեց, թէ սուրիացի   ծանօթ  քաղաքական մեկնաբան՝ Մուհամմէտ   Տառար  Ճամօ սպաննուած  է  հարաւային  Լիբանանի  Սարֆանտ  շրջանին մէջ: Ապահովական  մարմիններ  հետաքննութիւն մը  բացած են ոճիրին  շուրջ:

–  Ապահովական մարմիններ, յաջորդական  երրորդ օրը  ըլլալով, տարբեր տեսակի  ռումբեր կը  յայտնաբերեն  Պեքաայի եւ  հարաւային արուարձաններու մէջ:

  –  Ներքին գործոց նախարարի  պաշտօնակատար  Մարուան Շերպէլ   յայտարարեց, թէ   ոճիրները, պայթուցիկ ռումբերը, ականահարուած  ինքնաշարժները    քաղաքական մթնոլորտին   հետեւանք են:  Նախարարը   նշեց,թէ  ձախողութեան դատապարտուած  են   սիւննի-շիի  խռովութիւն  ստեղծելու փորձերը:

LEAVE A REPLY

Please enter your comment!
Please enter your name here