ՆԵՐԼԻԲԱՆԱՆԵԱՆ ՕՐԱԿԱՐԳԵՐԸ ԿԸ ՍՊԱՍԵՆ ԻՐԵՆՑ ԼՈՒԾՈՒՄԻՆ

0
117

Հանրապետութեան նախագահ   Միշէլ Սըլէյման Պաապտայի պալատին  մէջ  ընդունեց  Ֆրանսայի նախկին վարչապետ    Ալէն  Ժիւփէն եւ անոր հետ  քննարկեց երկու երկիրները  յուզող  հարցեր: Սըլէյման նաեւ ընդունեց Միացեալ Նահանգներու պետական քարտուղարութեան ուժանիւթային հարցերու  օգնական  Ամոս   Հոշթայնը  եւ այլ անձնաւորութիւններ: Վերջինս նաեւ այցելեց  հրաժարեալ վարչապետ Նեժիպ Միքաթիին:

Նորանշանակ  վարչապետ  Թամամ Սալամ   անգամ մը եւս հաւաստեց, թէ  նոր տուեալներ  չունի նոր կառավարութիւն կազմելու  ուղղութեամբ: Սալամ  նշեց, թէ  տակաւին կը սպասէ    իր  առաջարկներուն  վերաբերեալ քաղաքական հոսանքներու պատասխանին:   Սալամ,  Մըսայթպէի իր  բնակարանին մէջ ընդունեց  Լիբանանի մօտ ՄԱԿ-ի ընդհանուր քարտուղարի    համադրող Տերէք Փլամլին: 

Լիբանանեան Ուժեր  Կուսակցութեան  գործադիր խորհուրդի պետ Սամիր Ժաաժա  դիտել տուաւ, որ կառավարութեան  ուշացումը  անդամալուծութեան մատնած է երկիրը: Ժաաժա  յայտնեց, թէ   ժամանակը   հասած է, ուր  հանրապետութեան  նախագահը եւ   նշանակեալ վարչապետը  պէտք է  անտեսեն կողմնակի միջամտութիւնները եւ յայտարարեն նոր կառավարութիւնը:

Սալամ  ընդունեց  պաղեստինեան  հատուածները ներկայացնող պատուիրակութիւն մը :

Խորհրդարանի նախագահ Նեպիհ Պըրրի Այն Էլ Թինէի  այցելող երեսփոխաններուն հետ  քննարկեց  երկրին իրավիճակը: Պըրրի  յայտնեց, թէ  խորհրդարանի  նիստերը պոյքոթի  ենթարկելը եւ   բանակին  դէմ   քարոզչական արշաւը  միեւնոյն դրամանիշին երկու  կողմերն են:

LEAVE A REPLY

Please enter your comment!
Please enter your name here