ՔԵՐՐԻ ՀԱՆԴԻՊԵՑԱՒ ԱՊՊԱՍԻ ԵՒ ԱՊՏԱԼԼԱ ՎԵՀԱՊԵՏԻՆ ՀԵՏ

0
97

Միացեալ Նահանգներու  պետական քարտուղար  Ճոն Քերրի աւարտեց   Ամման կատարած երկօրեայ այցելութիւնը եւ   մեկնեցաւ Սէուտական Արաբիա:   Ամմանի մէջ,  հանդիպում մը ունեցաւ  Պաղեստինեան Իշխանութեան պետ Մահմուտ Ապպասի  հետ:  Հանդիպման ընթացքին քննարկուեցան  Միջին Արեւելքի խաղաղութեան  գործընթացը եւ  պաղեստինեան տնտեսութիւնը բարելաւելու կարելիութիւնները:  Հինգ  ժամ երկարող  հանդիպումը աւարտեցաւ  առանց որեւէ յայտարարութեան:   Աւելի ուշ, պաղեստինեան աղբիւր մը յայտնեց, թէ հանդիման ընթացքին արձանագրուած է յառաջընթաց եւ  իսրայէլապաղեստինեան  բանակցութիւնները պիտի   վերսկսին  մօտիկ ապագային:

Քերրի նաեւ հանդիպում մը ունեցաւ Ապտալլա  Բ.  Վեհապետին  եւ   յորդանանցի պաշտօնակատարներու հետ եւ  քննարկեց Սուրիոյ   իրավիճակը:  Ամերիկացի  դիւանագէտը  կ’աշխատի  առանձին հանդիպումներով  վերականգնել  2002-ի Արաբական Գերաստիճանի  ընթացքին, Իսրայէլի հետ խաղաղութիւն կնքելու  արաբական պետութիւններու նախաձեռնութիւնը:  Նշենք, թէ Պէյրութի մէջ  տեղի ունեցած   խորհրդաժողովը  արաբական հողերէն   հեռանալու փոխարէն՝  ամբողջական ճանաչում կը խոստանար Իսրայէլին:  Իր օրին, Իսրայէլ անմիջապէս մերժեց սոյն նախաձեռնութիւնը: Իսրայէլապաղեստինեան խաղաղութեան բանակցութիւնները  խզուած  են,  Սեպտեմբեր  2010-էն  ի վեր:  Անցնող  Փետրուարէն  ետք,  Քերրիի  վեցերորդ այցելութիւնն է Միջին Արեւելք:

LEAVE A REPLY

Please enter your comment!
Please enter your name here