ԼԻԲԱՆԱՆԵԱՆ ԿԱՐՃ ԼՈՒՐԵՐ

0
97

 

–         Ընկերվար Յառաջդիմական Կուսակցութեան  պետ Ուալիտ Ճոմպլաթ  դատապարտեց      քաղաքական  հարցերու սուիացի  մեկնաբան  Մուհամմէտ Տառար  Ժամոյի  սպանութիւնը եւ  ապահովական  իշխանութիւններէն  պահանջեց  բացայայտել յանցագործները:  Ճոմպլաթ  նաեւ առաջարկեց   ապահովական ուժերո հսկողութեան տակ   գաղթակայան  մը  ստեղծել՝ Սուրիայէն  ժամանող գաղթականներուն համար:

–         Խորհրդարանական   պաշտպանութեան  յանձնախումբին նիստը յետաձգուեցաւ պաշտպանութեան նախարար  Ֆայէզ Ղըսնի եւ  լիբանանեան  բանակի  ներկայացուցիչներուն  բացակայութեան պատճառով:

–          Մարատա  կուսակցութեան պետ  Սըլէյման Ֆրանճիէ  յայտարարեց, թէ  առնուազն  յիսուն հազար  սուրիացի  զինեալներ անցած են  լիբանանեան  սահմանը:

–          Իսրայէլեան  չորս  օդանաւեր խախտեցին  Լիբանանի  օդային սահմանները եւ  հետախուզական    թռիչքներ  կատարելէ ետք  հեռացան:

–          Սուրիական  օդանաւ մը  մուտք   գործեց   Լիբանանի օդային տարածութիւնները եւ  երկու հրթիռ  արձակեց Արսէլի ուղղութեամբ:

–         Անցնող  24  ժամերուն ընթացքին,  Հըզպալլայի եւ Ընկերվար Յառաջդիմական Կուսակցութեան վերին մարմիններու նիստ մը  տեղի ունեցած է  նախարար Հիւսէյն Հաժ Հասանի բնակարանին մէջ:  Նիստի ընթացքին շեշտուած է  ամենաշուտ միջոցին  ազգային  միասնականութեան  կառավարութիւն կազմելու անհրաժեշտութիւնը:  Կողմերը դատապարտած են  լիբանանեան  բանակին  հասցէին  ծաւալող արշաւը  եւ  քաղաքական  բոլոր  հոսանքներէն  պահանջած են  յանձնառու մնալ  ներքին ապահովական  կայունութեան  պահպանման:  

–         Ապահովական մարմիններ յայտնեցին, թէ սուրիացի քաղաքական մեկնաբան  Մուհամմէտ Տառար Ժամոյի  սպանութեան   յանցագործները սուրիացիներ են: Ոճիրը գործուած է արհեստավարժներու  ձեռամբ: Անոնք, առաւօտեան  վաղ ժամերէն հետապնդած են   Ժամոյի  քայլերը:

–         Միջազգային պասքեթպոլի ֆետերասիոնը  Լիբանանը չորս տարիով  զրկեց արտաքին մրցումներու մասնակցութեան իրաւունքէն:

LEAVE A REPLY

Please enter your comment!
Please enter your name here