ՀԱՅԵՐԸ ՊԻՏԻ ՇԱՐՈՒՆԱԿԵՆ ՏԻԳՐԱՆԱԿԵՐՏԻ ՄԷՋ 173 ՀԱՅԱՊԱՏԿԱՆ ԳՈՅՔԵՐԸ ՎԵՐՍՏԱՆԱԼՈՒ ԱՇԽԱՏԱՆՔԸ

0
112

Հայերու պատկանող 17 անշարժ գոյքեր Տիգրանակերտի Ս. Կիրակոս եկեղեցւոյ հիմնադրամին վերադարձնելէ ետք, աշխատանքը կը շարունակուի 173 այլ անշարժ գոյքեր վերստանալու կապակցութեամբ, որովհետեւ անոնց պատկանելիութեան մասին փաստաթուղթեր յայտնաբերուած են Սուրբ Կիրակոս եկեղեցւոյ մէջ:
«Եկեղեցւոյ վերանորոգութեան ընթացքին յայտնաբերուած փաստաթուղթերուն մէջ առկայ վկայութիւնները հին են եւ անբաւարար», յայտնած են Թուրքիոյ Վագըֆներու ընդհանուր տնօրէնութենէն՝ մերժելով վերադարձնել զանոնք:
Տիարպեքիրի Ս. Կիրակոս եկեղեցւոյ Թաղային խորհուրդի ատենապետ Վարդգէս Էրկիւն Այըք կը յայտնէ, թէ «վերադրձուած» կալուածներէն ոմանք այժմ գրաւուած են, որովհետեւ անոնց վրայ կան ապօրինի շինութիւններ: Ան կը նշէ, թէ փաստաթուղթերուն մէջ առկայ կառոյցներուն ճշգրիտ տեղը որոշելը դժուար է: «Հին փաստաթուղթերուն մէջ գրուած է, օրինակ՝ «Գրիգորի տան մօտ», «Սարգսեանի հողամասին ետեւը գտնուող Ահմետի տան դիմացի տունը» կամ նման այլ բացատրութիւններ», ըսած է ան:
Ի դէպ, հայապատկան տարածքներուն մէջ իրականացուած կառուցապատումները մեծամասնութեամբ ապօրինի են, իսկ անոնց ներկայ տէրերը կեղծ փաստաթուղթեր ունին:

 

LEAVE A REPLY

Please enter your comment!
Please enter your name here