ՍԸԼԷՅՄԱՆ- ՍԱԼԱՄ ՀԱՆԴԻՊՈՒՄԸ ՔՆՆԱՐԿԵՑ ԿԱՌԱՎԱՐՈՒԹԵԱՆ ԿԱԶՄՈՒԹԻՒՆԸ ԱՐԱԳԱՑՆԵԼՈՒ ԿԱՐԵԼԻՈՒԹԻՒՆՆԵՐԸ

0
113

 Կառավարութեան  կազմութիւնը եւ ապահովական  շրջուն  միջադէպերը կը մնան   լիբանանեան  բեմին գլխաւոր խորագիրները:  Այս ծիրին մէջ,  նորանշանակ  վարչապետ Թամամ Սալամ    այցելեց  Պաապտայի պալատ  եւ   հանրապետութեան նախագահ Միշէլ Սըլէյմանին ներկայացուց  նոր կառավարութեան  կազմութեան  վերաբերեալ վերջին զարգացոգմները: Նախքան   հանդիպումը,  Սըլէյման  ընդունեց  հրաժարեալ   տեղեկատուութեան նախարար Ուալիտ Տաուաքը: Հանրապետութեան նախագահ  Միշէլ Սըլէյման  Սալամին  յայտնեց, թէ  կառավարութեան կազմութիւնը կը մնայ  առաջնայնութիւն  եւ  առանց  նոր կառավարութեան անկարելի պիտի  ըլլայ  վերադառնալ  երկխօսութեան  սեղան:   Այս առիթով  նախագահ Սըլէյման բացառեց  քաղաքացիական պատերազմի վերադարձը:

 Լրատուական աղբիւրներ կը    հաւաստեն, թէ  հակառակ Սալամի հերքումներուն,  նորանշանակ  վարչապետը  գրպանին մէջ  պատրաստած է    անուանացանկ մը եւ  վճռած  է  յառաջիկայ  տասը  օրերուն ընթացքին  յայտարարել իր գլխաւորելիք կառավարութեան կազմը: Սալամ  իր այցելուներուն բացայայտօրէն կը յայտնէ, թէ  Հըզպալլա  եւ Մուսթաքպալ Հոսանքը  չեն   դիւրացներ  կազմութեան աշխատանքները:  Պաապտայի  պալատի ն մէջ  կայացած հանդիպումը  աւարտելէ ետք,  Սալամ  մտահոգութիւն յայտնեց  սահմանադրական  կառոյցներու  մէջ  պարապութեան իրողութենէն:  Ան  դիտել տուաւ, որ գործադիր իշխանութեան բացակայութիւնը   ժխտական  ազդեցութիւն  կ’ունենայ բոլոր հաստատութիւններուն վրայ: Սալամ յայտնեց, թէ  կարելիութիւնները  բաց են իր առջեւ:

Հանրապետութեան նախագահի  խորհրդական Խալիլ  Հարաուի դիտել տուաւ, որ Միշէլ Սըլէյման կը  փափաքի  քաղաքական  բոլոր կողմերուն մասնակցութեամբ կառավարութիւն մը:

Նախագահ  Սըլէյման  ընդունեց   Լիբանանի մօտ Իրանի դեսպան  Ղատանֆար  Ռըքն Ապատին: Վերջինս   երկու  նամակ  յանձնեց Սըլէյմանին՝ Իրանի նախագահներ  Մահմուտ Ահմետինեճատէն եւ  Հասան Ռոհանիէն:

LEAVE A REPLY

Please enter your comment!
Please enter your name here