ՔԵՐՐԻ ԵՐԿԱՐԱՁԳԵՑ ՄԻՋԻՆԱՐԵՒԵԼԵԱՆ ՇՐՋԱԳԱՅՈՒԹԻՒՆԸ

0
128

Միացեալ Նահանգներու  պետական  քարտուղար  Ճոն Քերրի երկարաձգեց  Միջին Արեւելք կատարած այցելութիւնը:  Քերրի  իր լաւատեսութիւնը յայտնեց իսրայէլապաղեստինեան   բանակցութիւնները  վերսկսելու  ուղղութեամբ:  Քերրի յայտնեց, թէ  երեք տարուան դադարէ ետք, վերականգնած են  բանակցութիւնները վերսկսելու կարելիութիւնները: Քերրի ակնարկ  չկատարեց Իսրայէլի վարչապետ  Պենիամին Նեթանիահուի  հետ  հանդիպումի մը կարելիութեան մասին: Ան գոհացաւ յայտնելով, թէ արաբական պետութիւնները    կանաչ լոյս տուած են իր  ներկայացուցած նախաձեռնութեան:   Քերրի իր   միջինարեւելեան այցելութիւնը պիտի  եզրափակէ  Ռիատ այցելութեամբ:

 Պետական  քարտուղարը նաեւ անդրադարձաւ  Սուրիոյ հակամարտութեան,  ընդգծելով որ      վերջին շրջանին  տարբեր տեսակի  մատակարարումներ փոխանցուած է ընդդիմութեան, առանց յստակացնելու  թէ ին՞չ նկատի ունէր  մատակարարում   եզրը   օգտագործելով:  Ան աւելցուց, թէ ամերիկեան  ռազմական օգնութիւններու մասին  որոշումներուն  հաւանութիւն տալը  կը պահանջէ  երկար ժամանակ: Պետական քարտուղարը  մաղթեց  քաղաքական լուծում մը  գտնել Սուրիոյ հակամարտութեան:« Մենք կը հաւատանք,որ պէտք է  անյապաղ   բանակցային սեղանի շուրջ  նստիլ եւ դադրեցնել  բռնութիւնը, շարժիլ անցումային կառավարութեան  ուղղութեամբ». նշեց ան:

LEAVE A REPLY

Please enter your comment!
Please enter your name here