ԲՈԼՈՐ ԸՆՏՐԱՆՔՆԵՐԸ ԲԱՑ ԿԸ ՄՆԱՆ ՍԱԼԱՄԻ ԱՌՋԵՒ

0
131

Նորանշանակ  վարչապետ Թամամ Սալամ  դարձեալ   ընդգծեց, թէ  կառավարութիւն կազմելու ուղղութեամբ բոլոր ընտրանքները բաց  կը մնան անոր առջեւ: Սալամ  ըսաւ,թէ  տրամադրութիւն չունի դիտորդ ըլլալու  զարգացումներուն եւ կը մերժէ եօթ ամիս  ժամավաճառ  դառնալ կառավարութիւն կազմելու   նպատակով:  Սալամ ցաւ յայտնեց, որ  քաղաքական   խմբաւորումները զինք  մխրճած են  հակադիր պայմաններու  սակարանը: Քաղաքական կարգ մը դէտերու կարծիքով, շրջանային եւ  տեղական  զարգացումներուն  լոյսին տակ,  Սաատ Հարիրիի գլխաւորութեամբ կառավարութիւն մը կրնայ աւելի արդիւնաւէտ  դառնալ  ներկայ հանգրուանին Լիբանանի համար:

 Լրատուական աղբիւրներ  կը յայտնեն, թէ  Սալամ մտադրած է  «արագ քայլերու»  դիմել յառաջիկայ  օրերուն, որովհետեւ հանրապետութեան նախագահին հետ ունեցած   վերջին հանդիպման ընթացքին, նախագահ Սըլէյման  իր զօրակցութիւնը  յայտնած է Սալամին, սակայն  ընդգծած է  բոլոր  կողմերու մասնակցութեամբ կառավարութեան մը  անհրաժեշտութիւնը: Սալամի  մօտ  հետզհետէ կը զարգանայ    իրողական կառավարութիւն  կազմելու  ընտրանքը: Խորհրդարանի նախագահ Նեպիհ Պըրրիի ներկայացուցիչ առողջապահութեան նախարարի  պաշտօնակատար Ալի Հասան Խալիլ այցելութիւն մը տուաւ  Սալամին, անոր  փոխանցելու, որ  Մարտ  8-ի  ուժերը յետ այսու   չեն ներկայացներ մէկ խմբաւորում, հետեւաբար անիմաստ է խօսիլ արգելակող մէկ երրորդի  լիազօրութեան մասին:

Սալամ երէկ երեկոյեան  կազմակերպեց  «իֆթար » մը, որմէ  հրաւէր չստանալու պատճառով բացակայեցաւ հանրապետութեան  միւֆթի շէյխ  Մուհամմէտ Ռաշիտ Քապպանին:

LEAVE A REPLY

Please enter your comment!
Please enter your name here