ԹՈՒՐՔԻԱ ԶԷՆՔ Կ’ՈՒՂԱՐԿ՞է ԵԳԻՊՏՈՍ

0
130

  Եգիպտոսի  տարբեր քաղաքներու մէջ   տեղի ունեցան  նոր իշխանութիւններուն զօրակցութիւն յայտնող եւ անոր հեռացումը պահանջող  հոծ   հաւաքներ: Եգիպտոսի   հեռատեսիլային կայաններէն  մէկը  հաղորդեց, թէ  Իսլամական  Եղբայրակցութիւնը   Թուրքիա  զէնք կը ստանայ  Թւորքիայէն:  Ան նաեւ ցոյց տուաւ  գրաւուած  զէնքեր: Թուրքիոյ արտաքին գործոց նախարարութիւնը պաշտօնական հաղորդագրութեամբ մը  պարզաբանումներ տուաւ  հնչած տեղեկատուութեան առնչութեամբ՝   հետաքննութիւն մը պահանջելով,  ճշմարտութիւնը  բացայայտելու նպատակով:

Թուրքիա  բազմիցս կը  քննադատէ Եգիպտոսի զարգացումները, զայն   նկարագրելով օրինական նախագահ  Մոհամմէտ Մորսիի դէմ անընդունելի  յեղաշրջում:  Գահիրէ   կը հակադարձէ   Անգարայէն եկող յայտարարութիւններուն, զանոնք որակելով իբրեւ « Գահիրէի  ներքին գործերուն  միջամտութիւն»:

Եւրոպական  Խորհուրդի նախագահ   Հերման  Վան   Ռոմբէյ   շեշտեց, թէ անհրաժեշտ է   համազգային հաշտութեան  գործընթացի  ձեռնարկել   Եգիպտոսի մէջ  եւ շտապ  վերականգնել  ժողովրդավարական   ճանապարհով    ընտրուած կառավարութիւնը:  Ռոմբէյ  աւելցուց, թէ Եւրոպական Միութեան արտաքին քաղաքականութեան գլխաւոր բանագնաց Քաթրին Աշթընը  Եգիպտոսի իշխանութիւններուն   պաշտօնապէս  փոխանցած է  սոյն կեցուածքը:   «Ռոյթըրզ» լրատուական գործակալութիւնը  հաղորդեց, թէ  Եգիպտոսի քրիստոնեաները  կը շարունակեն  զգուշանալ  Մոհամմէտ Մորսիի վերադարձէն:

 

LEAVE A REPLY

Please enter your comment!
Please enter your name here