ՊՈԼՍՈՅ ՊԱՏՐԻԱՐՔԱՐԱՆԸ ԿԸ ՓՈՐՁԷ ԿԱՍԵՑՆԵԼ ՍԱՆԱՍԱՐԵԱՆ ԽԱՆԸ ՎԱՐՁՈՒ ՏԱԼՈՒ ՔԱՅԼԸ

0
131

Թուրքիոյ Հայոց պատրիարքարանը յայտարարած է, որ պիտի շարունակէ իրաւական գետնի վրայ իր պայքարը Վագըֆներու ընդհանուր տնօրէնութեան դէմ, որ պատրիարքարանին պատկանող Սիրքեճիի «Սանասարեան խան»ին համար վարձակալի նշանակում կատարելու գործընթացին դիմած է։
Հայոց պատրիարքարանը դատարան դիմած է՝ պահանջելով, որ անիկա անմիջապէս արգելք դնէ խանին նոր վարձակալ նշանակելու որոշումին դիմաց։ Պատրիարքարանին կողմէ այս յայտարարութիւնը կատարուեցաւ փաստաբան Ալի Էլպէյօղլուի կողմէ, որ նշեց, թէ շէնքը ներկայիս դատարկ է եւ աճուրդի հանուած է։
Յայտարարութեան մէջ հետեւեալը ըսուեցաւ. ««Սանասարեան խան»ը, որ երկար ատեն ծառայեց իր հիմնարկութեան նպատակին, 1935-ին առնուեցաւ պատրիարքարանի ձեռքէն եւ սկսաւ գործածուելու իր նպատակէն դուրս միջոցներու համար։ Այս կալուածը Վագըֆներու ընդհանուր տնօրէնութեան կողմէ ապօրինի ձեւով սեփականացուեցաւ եւ Պատրիարքարանի ձեռքը գտնուած կալուածաթուղթը ջնջուեցաւ։ Ներկայիս, այս կալուածը պատրիարքարանին վերադարձնելու նպատակով, Պոլսոյ 13րդ դատարանին մօտ դիմում կատարուած է եւ դատարանը արգելքի որոշում հռչակած է՝ կալուածի փոխանցումն ու վաճառքը կանխելու համար»։

 

LEAVE A REPLY

Please enter your comment!
Please enter your name here