Վախճանած Է Արտաւազդ Արք. Թրթռեան

0
111

 Արամ Ա. Կաթողիկոս եւ Մեծի Տանն Կիլիկիոյ միաբանութիւնը սրտի դառն կսկիծով կը գուժեն Կիլիկեան ուխտի երիցագոյն միաբանին՝ Արտաւազդ արք. Թրթռեանի վախճանումը, որ պատահեցաւ Հինգշաբթի, Յուլիս 18ին։ Ան կերտած էր աւելի քան 60 տարիներու հարուստ վաստակ՝ իբրեւ մտաւորական, բանասէր եւ մանաւանդ Դպրեվանքի բազմամեայ տեսուչ ու բազմավաստակ դաստիարակ, պատրաստելով միաբաններու եւ ազգային կեանքի ծառայողներու ստուար թիւ մը։
Վերջին օծման ու թաղման կարգը պիտի կատարուի Շաբաթ, Յուլիս 20ին, առաւօտեան ժամը 10ին, Անթիլիասի Սուրբ Գրիգոր Լուսաւորիչ Մայր տաճարին մէջ, յընթացս սուրբ եւ անմահ պատարագի, նախագահութեամբ վեհափառ հայրապետին։ Ապա, սրբազան հօր մարմինը պիտի ամփոփուի Կիլիկեան ուխտի միաբանական դամբարանին մէջ, Մայրավանքի շրջափակէն ներս։
Արեւմտեան թեմի առաջնորդ Մուշեղ արք. Մարտիրոսեանի տնօրինումով, Կիրակի, Յուլիս 21ին, թեմիս բոլոր եկեղեցիներուն մէջ տեղի պիտի ունենայ հոգեհանգիստ, հոգելոյս սրբազանին հոգւոյն համար։ Առաջնորդ սրբազանը Մոնթեպելլոյի Ս. Խաչ Մայր տաճարին մէջ պիտի նախագահէ հոգեհանգստեան արարողութեան

LEAVE A REPLY

Please enter your comment!
Please enter your name here