ԼԻԲԱՆԱՆԵԱՆ ԿԱՐՃ ԼՈՒՐԵՐ

0
110

 

–         Եւրոպական  Միութեան անդամ արտաքին գործոց նախարարները Երկուշաբթի   Պրիւքսէլի մէջ  պիտի  գումարեն իրենց հերթական նիստը:  Միացեալ Նահանգներ  ճնշում կը բանեցնէ, որպէսզի  Եւրոպական Միութեան  անդամ  28  պետութիւնները  Հըզպալլայի անունը արձանագրեն ահաբեկչական կազմակերպութիւններու ցուցակին մէջ:

–         Արտաքին գործոց նախարարի պաշտօնակատար Ատնան  Մանսուր անհիմն նկատեց  Պուլկարիոյ  Պորկաս  քաղաքին մէջ պատահած պայթումին պատասխանատուութիւնը Հըզպալլային  վերագրելու  միտումները:

–         Ներքին գործոց նախարարի  պաշտօնակատար Մարուան Շերպէլ դիտել տոաւ, թէ  Ազէզի մէ ջ առեւանգուած  լիբանանցիները ազատ արձակելու  որոշումը կախեալ է Թուրքիոյ ստանձնած  յանձնառութեան  գործադրութենէն:  Շերպէլ  յայտնեց, թէ Լիբանան լիուլի  կատարած է իրմէ ակնկալուած  նախաքայլը,  կարգը  եկած է  Թուրքիոյ՝ յարգելու  իր խոստումը:

–         Նախկին  վարչապետ  Օմար  Քարամէ, Թրիփոլիի իր բնակարանին մէջ ընդունեց    Թամամ Սալամը, Ֆուատ Սինիորան, Սելիմ Հոսը եւ Նեժիպ Միքաթին:  Ներկաները  քննարկեցին  ներլիբանանեան  բեմին վերջին զարգացումները, ինչպէս նաեւ  հանրապետութեան միւֆթի, շէյխ  Մուհամմէտ  Ռաշիտ Քապպանիի թղթածրարը: Ժողովին մասնակիցները  հաստատեցին,  թէ  միւֆթի  Քապպանի  չի վայելեր    պաշտօնը  շարունակելու անհրաժեշտ օրինականութիւնը:

LEAVE A REPLY

Please enter your comment!
Please enter your name here