ՊԱՆ ՔԻ ՄՈՒՆ Կ’ՈՂՋՈՒՆԷ ԻՍՐԱՅԷԼԱՊԱՂԵՍՏԻՆԵԱՆ ԲԱՆԱԿՑՈՒԹԻՒՆՆԵՐՈՒ ՎԵՐՍԿՍՈՒՄԸ

0
122

ՄԱԿ-ի ընդհանուր քարտուղար Պան  Քի Մուն ողջունեց  իսրայէլապաղեստինեան ուղակի բանակցութիւնները վերսկսելու  Ուաշինկթընի ջանքերը: Քի Մուն  յատկապէս  դրուատեց  բանակցութիւնները  վերսկսելու ուղղութեամբ պետական  քարտուղար Ճոն Քերրիի յարատեւ ճիգերը:  Չորսօրեայ  խիտ  բանակցութիւններէն ետք, Միացեալ Նահանգներու պետական   քարտուղար  Ճոն Քերրի յայտարարեց, թէ խաղաղութեան  բանակցութիւնները վերսկսելու   համաձայնութիւն  գոյացուցած է  իսրայէլացիներու եւ պաղեստինցիներու հետ:  Նշենք, թէ  բանակցութիւնները դադրեցան  20 Սեպտեմբեր 2010-ին: «  Մենք հասած ենք համաձայնութեան,ուր   կողմերը  բանակցութիւններ պիտի  վարեն վերջնական կարգավիճակի  վերաբերեալ». յայտնեց Քերրի, աւելցնելով որ  բանակցութիւնները պիտի  կայանան  Ուաշինկթընի մէջ, յառաջիկայ   քանի մը  օրերու  ընթացքին:

Համաս  քննադատեց   Իսրայէլի հետ բանակցութիւնները  վերսկսելու Մահմու Ապպասի որոշումը:  Յատկանշական  է, որ  Քերրի նախապէս յայտարարած էր, թէ ձեռնունայն  պիտի  վերադառնայ Ուաշինկթըն: Սակայն, Ռամալլայի մէջ Մահմուտ Ապպասի հետ  չորսժամեայ հանդիպումը   սառցահալ մը  յառաջացուց  բանակցութիւններու  գործընթացին մէջ:

LEAVE A REPLY

Please enter your comment!
Please enter your name here