ՊԱՔՈՒ ԿԸ ՓՈՐՁԷ ՅԱՒԵԼԵԱԼ ՃՆՇՈՒՄ ԲԱՆԵՑՆԵԼ ԵՐԵՒԱՆԻ ՎՐԱՅ

0
101

Ատրպէյճանի արտաքին գործոց նախարարութեան բանբեր Էլման Ապտուլլայեւ յայտարարեց, թէ Պաքու դժգոհ է ԵԱՀԿ Մինսքի խմբակի գործունէութենէն: «Այս խմբակին մաս կազմող երկիրները անդամ են ՄԱԿ-ի Ապահովութեան Խորհուրդին, եւ 1993-ին Ատրպէյճանէն գրաւուած տարածքները վերադարձնելու կապակցութեամբ բանաձեւեր վաւերացնելու աշխատանքին մասնակցեցան, սակայն Հայաստան տակաւին չէ գործադրած այդ բանաձեւերը», աւելցուց ան՝ բացատրելով Ատրպէյճանի դժգոհութեան պատճառները:
Բանբերը անգամ մը եւս կոչ ըրաւ միջազգային կազմակերպութեանց, որ այդ բանաձեւերու գործադրութիւնը ապահովելու նպատակով յաւելեալ ճնշում բանեցնեն:
«Ատրպէյճանի ժողովուրդը դժգոհ է ԵԱՀԿ Մինսքի խմբակի գործունէութենէն, որովհետեւ մեր տարածքները բռնագրաւուած կը մնան եւ իւրաքանչիւր 10 քաղաքացիէն մէկը չի կրնար իր պապենական հողերը վերադառնալ», եզրակացուց Էլման Ապտուլլայեւ:

 

LEAVE A REPLY

Please enter your comment!
Please enter your name here