ՍԸԼԷՅՄԱՆ ԿԸ ՓՈՐՁԷ ՎԵՐԱԿԱՆԳՆԵԼ ԵՐԿԽՕՍՈՒԹԵԱՆ ՆԻՍՏԵՐԸ

0
105

 Քաղաքական, ապահովական  տեղական եւ շրջանային   թոհուբոհին մէջ, հանրապետութեան նախագահ Միշէլ Սըլէյման քուլիսներէն հեռու խորհրդակցութիւններ կ’ունենայ  քաղաքական տարբեր խմբաւորումներու  հետ  ազգային  երկխօսութեան  նիստերը  վերականգնելու  նպատակով:  Սակայն երկխօսութեան առաջարկն  անգամ  կը բախի   հակադիր պայմաններու եւ նախապայմաններու  քմայքին:  Կարգ մը    հոսանքներ նախագահին   յայտնած են,թէ կը նախընտրեն   կառավարութիւնը կազմելէ ետք  վերադառնալ երկխօսութեան սեղան : Ապահովական գետնի վրայ,  Ֆրանսա   հաղորդակցութեան մէջ մտած է Սէուտական Արաբիոյ եւ  Իրանի հետ՝ Լիբանանը Սուրիոյ  հակամարտութենէն  հեռու պահելու մտահոգութեամբ:

Խորհրդարանի նախագահ Նեպիհ Պըրրի  զարմանք  յայտնեց   լիբանանեան բանակին եւ  խորհրդարանին  դէմ  ծաւալող արշաւէն:   Պըրրի դիտել տուաւ, որ  երկու  հաստատութիւնները կը ներկայացնեն  Լիբանանի միասնականութեան խորհրդանիշը:  Պըրրի մերժեց  պաշտպանութեան նախարար Ֆայէզ Ղըսնը  եւ բանակի  սպաներ ամբաստանութեան աթոռի  վրայ  դնելու կարգ մը  երեսփոխաններու  յայտարարութիւնները:

Սալամ արգելք մը  չի տեսներ   քաղաքական կառավարութիւն կազմելու  առաջարկին մէջ, սակայն՝  իր համոզումներուն  հիման վրայ:  Նորանշանակ  վարչապետը կը մերժէ խորհրդարանական ներկայացուցչութեան համազօր  կառավարութիւն:  Սալամ առաւելագոյնը երկու  նախարարական  աթոռ կը խոստանայ  Միշէլ Աունին: Միւս կողմէ,  մեկնաբանելով  Սալամի հետ իր  հանդիպումին մթնոլորտը, առողջապահութեան նախարարի  պաշտօնակատար  Ալի Հասան Խալիլ   յայտնեց, թէ Սալամին հետ քննարկած է Նեպիհ Պըրրիի  նախաձեռնութիւնը, առանց  քննարկելու  անուններ կամ  պաշտօններ:  Նախարարը հարց տուաւ՝ ինչպէ՞ս  կարելի է  անուններու մասին խօսիլ,  առանց  կառավարութեան տարազին  շուրջ   համաձայնութեան:

LEAVE A REPLY

Please enter your comment!
Please enter your name here