ՏԱՍՆԵԱԿԷ ԱՒԵԼԻ ԶՈՀԵՐ ԵԳԻՊՏՈՍԻ ՀՐԱՊԱՐԱԿՆԵՐՈՒՆ ՄԷՋ

0
112

Եգիպտոսի բախումները  օրըստօրէ աւելի մտահոգիչ  սկսած են դառնալ:  Երկրին գրեթէ բոլոր    քաղաքաներուն մէջ  բախումներ  տեղի կ’ունենան  պաշտօնանկ դարձած նախագահ Մոհամմէտ Մորսիի  հակառակորդներուն եւ  կողմնակիցներուն միջեւ: Երէկ առաւօտեան,   Իսլամական Եղբայրակցութիւնը  բողոքի  երթ մը կազմակերպեց դէպի  Գահիրէի միջազգային  օդակայանը:  Բանակը   ի վերջոյ  յաջողեցաւ զսպել  երթը:  Բախումներու հետեւանքով   ինկան վեց զոհեր եւ  տասնեակաւոր   վիրաւորներ:

ՄԱԿ-ի կից մարդու  իրաւունքներու հարցերով զբաղող  պաշտօնակատար  Նավի   Փիլէյ  պատուիրակութիւն մը   ուղարկեց Գահիրէ, յստակացնելու համար  նախկին նախագահ Մոհամմէտ Մորսին  ձերբակալելու պատճառները:

 Եգիպտոսի  բանտերու հարցով  զբաղող  վարչութիւը որոշեց աւելի  խիստ արգելարան մը  տեղափոխել  Իսլամական Եղբայրակցութեան  ղեկավարները: Իշխանութիւնները այն մտավախութիւնը ունին, որ Մորսիի կողմնակիցները  կրնան յարձակիլ   բանտերու վրայ եւ ազատել իրենց   համախոհները:  

Լրատուական աղբիւրներ  հաղորդեցին, թէ պաշտպանութեան նախարար Ապտէլ Ֆաթահ Սիսի երկու անգամ  մահափորձի ենթարկուած է  վերջին տասնհինգ օրերու  ընթացքին:  Սիսիի յայտնեց, թէ  մտադրութիւն  չունի   թեկնածութիւնը առաջադրելու   նախագահական  ընտրութիւններուն:

LEAVE A REPLY

Please enter your comment!
Please enter your name here