ՔԻՒՐՏԵՐԸ ՍԵՓԱԿԱՆ ԽՈՐՀՐԴԱՐԱՆ ՊԻՏԻ ՈՒՆԵՆԱՆ ՀԻՒՍԻՍԱՅԻՆ ՍՈՒՐԻՈՅ ՄԷՋ

0
109

«Արեւմտեան Քիւրտիստանի խորհրդարան»ի, այսինքն՝ Սուրիոյ քիւրտերու, բանբեր Շիրզատ Եզիտի յայտարարեց, որ պատրաստութիւն կը տեսնուի կատարելու համար խորհրդարանական ընտրութիւններ, որոնցմէ պիտի բխի Սուրիոյ քրտական շրջաններու յատուկ տեղական կառավարութիւն մը: Ան նշեց, որ քաղաքական տարբեր ուժերու՝ արաբներու, քիւրտերու եւ այլոց միջեւ, խորհրդակցութիւններ կը կատարուին՝ կազմելու համար հասարակաց վարչակազմ մը, որուն պարտականութիւնը կը սահմանափակուի երեք ամսուան ընթացքին խորհրդարանական ընտրութիւններ կայացնելով եւ սահմանադրութեան նախագիծ մը պատրաստելով. նշեալ նախագիծը այդ խորհրդարանական ընտրութեանց կազմակերպումէն առաջ հանրաքուէի պիտի դրուի, իսկ խորհրդարանի կազմութենէն ետք՝ վաւերացման համար պիտի ներկայացուի խորհրդարան:

Թուրքիոյ ներքին գործոց նախարար Մուամմեր Կիւլեր Յուլիս 18ին յայտարարած է, որ երկրի ոստիկանութիւնը անօրինական ոչինչ կատարած է «Կեզի» հանրապարտէզին մէջ տեղի ունեցած իրադարձութիւններուն ընթացքին՝ ակնարկելով ցուցարարներու դէմ ի գործ դրուած բռնարարքներուն: «Ոստիկանութիւնը ունի լիազօրութիւններ, որոնք ամրագրուած են օրէնսդրութեամբ», ըսած է ան: Ցուցարարները եւ Թուրքիոյ կառավարութեան ընդդիմացող շրջանակները ոստիկանութիւնը կը մեղադրեն անհամաչափ ուժ օգտագործելու յանցանքով:

 

LEAVE A REPLY

Please enter your comment!
Please enter your name here