ԼԻԲԱՆԱՆԵԱՆ ԿԱՐՃ ԼՈՒՐԵՐ

0
130

 

–          «Ռոյթըրզ»  լրատուական գործակալութիւնը հաղորդեց, թէ  Եւրոպական Միութեան արտաքին գործոց նախարարները  Հըզպալլայի անունը  տեղադրած են ահաբեկչական կազմակերպութիւններու  ցուցակին մէջ:

–         Եւրոպական  Միութեան արտաքին  քաղաքականութեան գլխաւոր  բանագնաց Քաթրին Աշթըն յայտարարեց, թէ կարգ մը պատժամիոցներ առաջարկած է Հըզպալլայի  դէմ՝ Սուրիոյ հակամարտութեան  մէջ ունեցած մասնակցութեան   պատճառով:

–         Բրիտանիոյ արտաքին  գործոց  նախարար  Ուիլիյըմ Հէյկ յայտնեց, թէ   Հըզպալլայի հանդէպ Եւրոպական  Միութեան  որոշումը  որեւէ ներազդեցութիւն  պիտի  չունենայ  Լիբանանի հետ  փոխյարաբերութիւններուն  վրայ:

–         Արդարութեան Խորհուրդի դատախազ   Ժան Ֆահտ յայտարարեց, թէ   Նահր Պերիտի յանցագործներուն  դատավարութիւնը պիտի սկսի  27  Սեպտեմբերին:  Ֆահտ նշեց, թէ յանցագործներուն  թիւը կը հաշուէ  430:

–          Ընկերվար Յառաջդիմական Կուսակցութեան  պետ  Ուալիտ Ճոմպլաթ  ողջունեց  ազգային երկխօսութիւնը  վերսկսելու  ուղղութեամբ լիբանանցիներուն պատրաստակամութիւնը, որոնցմէ ամենավերջինը՝  Հըզպալլայի  ընդհանուր  քարտուղար Հասան Նասրալլայի  յայտարարութիւնը:

–         Հրաժարեալ վարչապետ  Նեժիպ Միքաթի ընդունեց խորհրդարանական  ելեւմուտքի եւ  պիւտճէական հարցերու յանձնախումբի  պետ Իպրահիմ Քանաանը եւ անոր հետ  քննարկեց  պետական մարզի  պաշտօնէութեան աշխատավարձերու  յաւելման   թղթածրարը:

LEAVE A REPLY

Please enter your comment!
Please enter your name here