ՄԱՐԶԱԿԱՆ – ՄԱՐԹԻՆՕ ՊԱՐՉԵԼՈՆԱՅԻ ՄԱՐԶԻՉ

0
131

Սպանական  օրաթերթերը կը գրեն, թէ  արժանթինեան Նիուլս  Օլտ Պոյզ  խումբի մարզիչ  Խերարտօ   Մարթինօ նշանակուած է    Պարչելոնայի  գլխաւոր  մարզիչ:  50-ամեայ   արժանթինցին    երեք տարուան պայմանագրութիւն կնքած է  գաթալոնական ակումբին հետ:  Պարչելոնա տակաւին  չէ  հաստատած այս   տեղեկութիւնները:

Մարթինօ  2012-էն ի վեր կը  գլխաւորէ  Նիուլզ  Օլտ Պոյզը:

ՀԻՏԻՆԿ  ԼՔԵՑ ԱՆԺԻՆ

Մախաչկալայի  Անժի խումբի մարզիչ Կուս Հիտինկ ներկայացուց իր հրաժարականը: Հիտինկը պիտի  փոխարինէ  Ռենէ  Մելենստենը:   Հոլանտացի Հիտինկ 2012-էն կը գլխաւորէր  Անժին:

 

ՀԻԿՈՒԱՅԻՆ ԿԸ  ՓԱՓԱՔԻ ԱՐՍԵՆԱԼԻ ՄԻԱՆԱԼ

 Ռէալ Մատրիտի արժանթինցի  յարձակող Կոնսալօ Հիկուային չի շտապեր  միանալու Նափոլիի:   25-ամեայ   մարզիկին նախընտրութիւնը կ’երթայ Արսենալին:  Հիկուային նախնական  համաձայնութիւն մը կնքած էր Արսենալի հետ,  սակայն  Ռէալ Մատրիտ  32  միլիոն  եուրօ  կը  պահանջէ արժանթիցի յարձակողէն հրաժարելու  համար: Նափոլի պատրաստ է  վճարելու  Ռէալի պահանջած  գումարը:   Հիկուային կ’ակնկալէ, որ անգլիական ակումբը  նոր   պայմաններ կը ներկայացնէ  Ռէալին:

Միւս  կողմէ, Արսենալ կը փորձէ  ձեռք բերել Պայերն Միւնիխի  կիսապաշտպան  Լուիս Կիւսթավօն:  Բրիտանական    օրաթերթերը կը գրեն, թէ Արսենալի  մարզիչ Արսէն Ուենկէր  Կիւսթավոյի սիրահարներէն է:  Արսենալ պատրաստ է  17  միլիոն եուրօ վճարելու  պրազիլիացիին  փոխանցումին համար: Կիւսթավոյի պայմանագրութիւնը  Պայերնի հետ կ’աւարտի  2015-ին:

ԻԼԻԱՐԱՄԵՆԹԻ ՄԻԱՑԱՒ  ՌԷԱԼԻ

 Ռէալ Սոսիետատի կիսապաշտպան  Ասյէր  Իլիարամենթի   միացաւ Ռէալ Մատրիտի:  24-ամեայ  ֆութպոլիստը  խոստովանեցաւ, որ  առաջին խումբին մաս կազմելու սուր պայքար  պիտի   ծաւալի.«  Ինծի դժուար ուղի կը սպասէ, պիտի  կատարեմ կարելիս, որպէսզի գոհ պահեմ Ռէալի  համակիրները եւ պատասխանատուները» ըսաւ Իլիարամենթի:

 Միւս կողմէ,  Ռէալ  Մատրիտ կը  փորձէ  ձեռք բերել  Եուվենթուսի կիսապաշտպան Արթուրօ Վիթալը:  Սպանական ակումբը պատրաստ է  50  միլիոն եուրօ  վճարելու  Վիթալի  փոխանցումին համար:  Վերջինիս պայմանագրութիւնը  Եուվենթուսի  հետ կ’աւարտի  2016-ին:

LEAVE A REPLY

Please enter your comment!
Please enter your name here