ՆԱԽԱԳԱՀ ՍԸԼԷՅՄԱՆ ՄԱՂԹԵՑ ՈՐ ԵՒՐՈՊԱԿԱՆ ՄԻՈՒԹԻՒՆԸ ՎԵՐԱՆԱՅԻ ԻՐ ՈՐՈՇՈՒՄԻՆ

0
114

Հանրապետութեան նախագահ Միշէլ Սըլէյման մաղթեց, որ  Եւրոպական Միութիւնը վերանայի Հըզպալլայի  զինուորական թեւը  ահաբեկչական կազմակերպութիւններու  ցուցակին մէջ ներառնելու   որոշումին, առ ի նախանձախնդրութիւն՝  Լիբանանի կայունութեան, խնայելով աճապարանքով առնուած որոշումներ, հաշուի առնելով, որ  հիմնական   ընտրանքները ազգային երկխօսութեան սեղանին վրայ կը լուծուին, կառչելով Պաապտայի Յայտարարութեան  եւ ազգային պաշտպանութեան  ռազմավարութեան  սահմանագիծերուն մէջ:

Լիբանանի մօտ Եւրոպական Միութեան պաշտօնակատար  Անճելինա  Էխորհըրսթ  յայտնեց, թէ  Հըզպալլայի անունը ահաբեկչական   կազմակերպութիւններու ցուցակին մէջ  ներառնելը քաղաքական կարեւոր  պատգամ մըն է բոլորին, որովհետեւ ահաբեկչական  գործողութիւնները անընդունելի են, ով ալ  ըլլայ  անոնց  աղբիւրը:  Էխորհըրսթ, հանրապետութեան նախագահ Միշէլ Սըլէյմանին  փոխանցեց, թէ  հակառակ  առնուած քայլին, Եւրոպական Միութիւնը  լիբանանեան քաղաքական  բոլոր հոսանքներուն հետ պիտի շարունակէ երկխօսութիւնը եւ   շարունակէ  մարդասիրական  օժանդակութիւնները:

Միացեալ  Նահանգներու պետական քարտուղար  Ճոն Քերրի  դրուատեց Հըզպալլայի անունը  ահաբեկչական կազմակերպութիւններու ցանկին մէջ ներառնելու  Եւրոպական Միութեան  որոշումը:

LEAVE A REPLY

Please enter your comment!
Please enter your name here