ՍՓԻՒՌՔԻ ՆԱԽԱՐԱՐՈՒԹԻՒՆԸ ՆՈՐ ՀԱԼԷՊ ԹԱՂԱՄԱՍԻ ԿԱՌՈՒՑՄԱՆ ՀԱՄԱՐ ԴԻՄԱԾ Է ԵՒՐՈՊԱԿԱՆ ՄԻՈՒԹԵԱՆ

0
121

Սփիւռքի նախարար  Հրանոյշ Յակոբեան  հանդիպումներ կ’ունենայ Եւրոպական Միութեան անդամ եւ Հայաստանի մօտ   դեսպանութիւն ունեցող երկիրներու հայաստանեան դեսպաններու  հետ ,  ինչպէս նաեւ հանդիպած է Եւրոպական Միութեան պատուիրակութեան ղեկավար, դեսպան  Ն.Գ. Թրայան  Խրիսթայի   հետ:  Անոնք   քննարկած են  Սուրիոյ    քաղաքացիական պատերազմի  հետեւանքով   տեղահան  եղած  հայ  համայնքի   ներկայացուցիչներուն  հարցերը:

Նախարարութեան  գլխաւոր նպատակն է  Եւրոպական Միութենէն    տնտեսական օգնութիւն ստանալ՝ սուրիահայերու հարցերը լուծելու նպատակով:  Հայաստանի կառավարութիւնը անոնց բնակարաններ  տրամադրելու համար հողատարածք յատկացուցած է Աշտարակ քաղաքին մէջ:  Գոյութիւն ունի  «Նոր Հալէպ» կոչուող   թաղամասի   նախագիծը, սակայն կը բացակայի  անոր շինարարական աշխատանքները սկսելու   գումարը:

Կառուցուելիք բնակարանները սուրիահայերուն պիտի   յանձնուին  յիսուն առ հարիւր  զեղչով: Բնակարաններուն համար  արդէն  դիմած են  մօտաւորապէս  300 սուրիահայեր:  Դեսպանները   Սփիւռքի նախարարին   հաւաստիացուցած են, որ ամէն կերպ  պիտի  փորձեն աջակցիլ սուրիահայերուն   առնչուող   ծրագիրները  իրականացնելու  աշխատանքներուն:

LEAVE A REPLY

Please enter your comment!
Please enter your name here