ԹՈՒՐՔԻԱ ՀԱՆԴՈՒՐԺՈՂԱԿԱՆՈՒԹԵԱՆ ԴԱՍԵՐ ԿՈՒ ՏԱՅ…

0
125

Թուրքիոյ խորհրդարանի Սահմանադրական հարցերու յանձնաժողովի նախագահ Պուրհան Քուզու հարցազրոյցի մը ընթացքին յայտնեց, թէ Անգարա չի կրնար կրաւորական դիրք որդեգրել Արցախի տագնապին նկատմամբ, որովհետեւ «Թուրքիան շրջանի զօրաւոր պետութիւններէն մէկն է եւ շրջանին մէջ որեւէ տագնապ կարելի չէ լուծել, առանց Թուրքիոյ մասնակցութեան»:
Քուզու միաժամանակ դատապարտած է թուրքերու «ատրպէյճանցի եղբայրներու»ն դէմ՝ Արցախի մէջ «հայերու ձեռամբ գործադրած վայրագութիւնները եւ Խոջալուի ցեղասպանութիւնը»:
Ան անդրադարձած է նաեւ Հայաստանէն վերջերս հնչած եւ Թուրքիոյ ուղղուած հողային պահանջներու կոչերուն՝ զանոնք «հակաօրինական» նկատելով, կրկնելով Հայկական Ցեղասպանութիւնը ուրացող Թուրքիոյ պետական կեցուածքը եւ դարձեալ յիշեցնելով, որ Թուրքիոյ իշխանութիւնները աչք կը գոցեն Թուրքիոյ մէջ ապրող Հայաստանի 70,000 քաղաքացիներու ապօրինի աշխատանքին առջեւ:

 

LEAVE A REPLY

Please enter your comment!
Please enter your name here