ԼԻԲԱՆԱՆԵԱՆ ԿԱՐՃ ԼՈՒՐԵՐ

0
124

–           Լիբանանի մօտ Եւրոպական Միութեան  դեսպան  Անճելինա  Էխորհըրսթ  յայտարարեց, թէ   Եւրոպա  պիտի  գործակցի  լիբանանեան  որեւէ կառավարութեան հետ,  ներառեալ ՝ Հըզպալլայի մասնակցութեամբ կառավարութիւններու: Ան դիտել տոաւ, որ  Եւրոպական Միութեան որոշումը  նկատի  չունի անուններ, պարզապէս՝ Հըզպալլայի զինուորական  թեւը:

 –           Եւրոպական  Միութիւնը վեց ամիս  ետք պիտի   վերանայի  Հըզպալլայի անունը  ահաբեկչական  կազմակերպութիւններու ցուցակին մէջ  ներառնելու որոշումին:

–           Պաշտօնական  հաղորդագրութեան  մը մէջ, Պուլկարիոյ  արտաքին գործոց նախարարութիւնը   հաղորդեց, թէ Պուրկասի պայթումին հետաքննութիւնները  կը շարունակուին տակաւին: Պուլկարիոյ արտաքին  գործոց նախարարութիւնը  հաւաստեց, թէ  Եւրոպական  Միութիւնը պիտի շարունակէ  Լիբանանի հետ  քաղաքական, տնտեսական  եւ այլ բնոյթի  գործառքները, ինչպէս նաեւ մարդասիրական  օժանդակութիւնները:  

–         Մուսթաքպալ Հոսանքի անդամ, երեսփոխան Ժան Օղասապեան դիտել  տուաւ, թէ Հըզպալլայի   վերաբերեալ որոշումը սպասելի էր: Երեսփոխանը նաեւ  զօրակցութիւն յայտնեց  Եւրոպական Միութեան  որոշումը  հրապարակելու դէմ  հանրապետութեան  նախագահին եւ   հրաժարեալ  վարչապետին   միջնորդութիւններուն, քաջ  գիտնալով՝  Լիբանանի եւ լիբանանցիներուն վրայ անոր   ունենալիք հետեւանքները:

–          Հզպալլայի  աղբիւր մը  հաղորդեց, թէ  Եւրոպական Միութեան որոշումը որեւէ ազդեցութիւն պիտի չունենայ  անոր   գործունէութեան վրայ, աւելցնելով  թէ  ոչ ոք  կրնայ  սպառնալ  հարաւային Լիբանանի մէջ տեղակայուած ՖԻՒՆԻԼ-ի խաղաղապահ ուժերուն անվտանգութեան:  Նշենք, թէ Եւրոպական  Միութիւնը Հըզպալլայի  զինուորական  թեւը  ահաբեկչական ցուցակին մէջ  ներառնելով հանդերձ,    յանձնառու մնաց  անոր հետ  շարունակելու քաղաքական երկխօսութիւնը:

–         Ֆրանսայի արտաքին գործոց նախարարութեան խօսնակ  Ֆիլիփ  Լալիու յայտնեց, թէ   Փարիզ   զօրակցած էր  Հըզպալլան ահաբեկչական կազմակերպութիւններու ցուցակին մէջ ներառնելու որոշումին,  որովհետեւ յստակ ապացոյցներ  կային  նման  քայլի մը դիմելու  համար:  Խօսնակը աւելցուց,  թէ  Ֆրանսայի համար Հըըզպալլա  կը մնայ քաղաքական կուսակցութիւն, անկախ այն իրողութենէն, թէ կրնայ մաս կազմել  լիբանանեան կառավարութեան կամ՝ ոչ:

–          Նախկին վարչապետ Սաատ Հարիրի   երկու  առիթներով հեռախօսային  հաղորդակցութիւն ունեցած է  բանակի հրամանատար, զօրավար Ժան Քահուաճիի հետ, զօրակցութիւն յայտնելով  անոր   պաշտօնավարութիւնը երկարաձգելու    ճիգերուն:

–         Ապահովական  կառոյցներ  Պեքաայի մէջ  ձերբակալեցին  անձ  մը, որ կ’ենթադրուի ըլլալ Մասնաայի   ճանապարհին վրայ   Հըզպալլայի  շքախումբը  պայթումի  թիրախ դարձուցած յանցագործը:

LEAVE A REPLY

Please enter your comment!
Please enter your name here