ՆԱԽԱԳԱՀ ՍԸԼԷՅՄԱՆ ՍԻՆԻՈՐԱՆ ԸՆԴՈՒՆԵԼԷ ԵՏՔ ՄԵԿՆԵՑԱՒ ՈՒԱՇԻՆԿԹԸՆ

0
117

Հանրապետութեան նախագահ Միշէլ Սըլէյման  անձնական  այցելութեամբ  Ուաշինկթըն մեկնեցաւ երէկ:   Այդ միջոցին, ան տարբեր  տեսակի  բժշկական  քննութեանց պիտի  ենթարկուի  Ուաշինկթընի  մէջ:  Հանրապետութեան նախագահը Կիրակի օր պիտի  վերադառնայ Լիբանան:

 Քուլիսներու   ետին,  հանրապետութեան նախագահը խորհրդակցութիւններ  կը վարէ  քաղաքական խմբաւորումներու հետ՝ ազգային  երկխօսութեան  նիստերը վերսկսելու  նպատակով:  Քաղաքական  հոսանքներու պատասխանը այս  թղթածրարին վերաբերեալ  պիտի  բիւրեղանայ   յառաջիկայ  քանի մը օրերուն:  

Նախքան  իր ճամբորդութւինը, նախագահ  Սըլէյման Պաապտայի պալատին մէջ ընդունեց  Մուսթաքպալ Հոսանքի պետ, նախկին վարչապետ  Ֆուատ Սինիորան եւ անոր հետ  քննարկեց  լիբանանեան  բեմին վերջին զարգացումները:

LEAVE A REPLY

Please enter your comment!
Please enter your name here