ՍԱԼԱՄ ԵՒ ՊԸՐՐԻ ԴԱՏԱՊԱՐՏԵՑԻՆ ԵՒՐՈՊԱԿԱՆ ՄԻՈՒԹԵԱՆ ՈՐՈՇՈՒՄԸ

0
111

Նորանշանակ  վարչապետ  Թամամ Սալամ դատապարտեց  Հըզպալլան ահաբեկչական կազմակերպութիւններու ցանկին մէջ   ընդգրկելու Եւրոպական  Միութեան  որոշումը, մտահոգութիւն  յայտնելով, որ   նմանօրինակ   որոշում մը   պարզապէս պիտի խորացնէ  Լիբանանեան  քաղաքական  բեմին վրայ գոյութիւն  ունեցող  բեւեռացումը:  Սալամ  մաղթեց, որ Եւրոպական  Միութիւնը  կը  վերանայի   իր որոշումին:

 Լրատուական կարգ մը աղբիւրներ իրենց տեղեկութիւնները   նախկին վարչապետ Սաատ Հարիրիէն քաղելով,  կը յայտնեն, թէ  վերջինս   Սալամի հետ  ունեցած  հեռաձայնային   հաղորդակցութեան   ընթացքին, անոր  յայտնած է, թէ   պիտի մերժէ  Ֆիթրի տօնէն  առաջ   կազմուած որեւէ  կառավարութիւն: Սալամ՝ հանրապետութեան նախագահ Միշէլ Սըլէյմանին  փոխանցած է  Հարիրիի սոյն   ցանկութիւնը: Հարիրի  միաժամանակ Պէյրութ  վերադառնալու  տրամադրութիւն մը արտայայտած է՝  երկխօսութեան նիստերուն անձամբ  մասնակցելու նպատակով:

Խորհրդարանի նախագահ Նեպիհ  Պըրրի  ընդունեց  Լիբանանի մօտ Եւրոպական  Միութեան դեսպան Անճելինա Էխոհրսթը: Պըրրի իր  հիւրին  յայտնեց, թէ  Հըզպալլայի դէմ  Եւրոպական Միութեան  որոշումը   դաւադրութիւն մըն է  համայն Լիբանանի դէմ, միաժամանակ ձրի  ծառայութիւն  մը Իսրայէլին:

LEAVE A REPLY

Please enter your comment!
Please enter your name here