ԲԱՆԱԿԸ ՅԱՆՁՆԱՌՈՒ ՊԻՏԻ ՄՆԱՅ ԵԳԻՊՏԱՑԻՆԵՐՈՒ ՈԳԻԻՆ

0
105

Եգիպտոս արիւնալի   օր մը եւս ապրեցաւ երէկ: Իշխանութեան կողմնակիցներուն եւ հակառակորդներուն  միջեւ   բախումներուն ընթացքին   ինկան  13 զոհեր եւ  137 վիրաւորներ: Գետի վրայ,  պաշտօնազրկուած նախագահ  Մոհամմէտ Մորսիի կողմնակիցները   փողոցի  ճանապարհով  ճնշում կը բանեցնեն   իշխանութիւններուն վրայ , պահանջելով անոր  վերադարձը: Եգիպտոսի պաշտպանութեան նախարար Ապտէլ  Ֆաթահ  Սիսի   ըսաւ, թէ    բանակը  յանձնառու պիտի մնայ  եգիպտացիներու արեան եւ  ոգիին:  Սիսի,  կրօնական   կառոյցներէն պահանջեց  յարգել  պետականութեան  գաղափարը: Ան նշեց, թէ բանակը հաւասար  հեռաւորութիւն կը պահէ քաղաքական կողմերէն: Մորսիի  կողմնակիցները իշխանութիւններէն նաեւ   պահանջեցին արտաքսել  Միացեալ Նահանգներու դեսպանը:

Իշխանութիւնները  Իսլամական Եղբայրակցութեան  ղեկավարներէն  Խէյրաթ Ալ Շատէրի բնակարանը  խուզարկելու  ընթացքին   յայտնաբերեցին  խորհրդաւոր անցագիր մը, որուն տէրը  կ’ենթադրուի  ըլլալ  11 Սեպտեմբեր   2012-ին, Լիպիոյ մօտ  Միացեալ Նահանգներու դեսպան  Քրիստոֆըր  Սթիվընզի սպանութեան յանցագործը:

Քաթարի արտաքին գործոց նախարարութիւնը դիտել տուաւ, թէ Մորսիի  ձերբակալութիւնը սպառնալիք մըն է «25 Յունուար»ի յեղափոխութեան  նուաճումներուն դէմ:

Փենթակոն յայտարարեց, թէ  յետաձգած է Եգիպտոսին  չորս  «Էֆ-16» կործանիչներ  յանձնելու թուականը:

LEAVE A REPLY

Please enter your comment!
Please enter your name here