ՄԱՐԶԱԿԱՆ – ՃԱԼՄԱ ՍԱՆԹՈՍ ՄԱՀԱՑԱՒ

0
132

Համաշխարհային եւ պրազիլիական ֆութպոլը կորսնցուց իր  կարեւոր դէմքերէն  մէկը: Արդարեւ,   Պրազիլի մէջ մահացաւ  հաւաքականի նախկին պաշտպան Ճալմա  Սանթոսը: Ան  84  տարեկան էր:  Սանթոս,  թոքերու բորբոքումի հետեւանքով   1 Յուլիսին  փոխադրուած էր հիւանդանոց: Հանրածանօթ ֆութպոլիստը   կը նկատուի բոլոր ժամանակներու  լաւագոյն աջ  եզրային պաշտպանը:

Ճալմա Սանթոս, 1958  եւ 1962-ին  Պրազիլի հաւաքականին հետ շահեցաւ աշխարհի բաժակը:

ԹԻԹՕ ՎԻԼԱՆՈՎԱ ՊԻՏԻ  ՉՀԵՌԱՆԱՅ ՊԱՐՉԵԼՈՆԱՅԷՆ

 Առողջական պատճառներով  Պարչելոնայի   գլխաւոր մարզիչի պաշտօնէն հեռացած Թիթօ Վիլանովա  պիտի  մնայ  գաթալոնական ակումբին հետ:  Վիլանովա, ակումբին մարզչական   բաժնին մէջ պիտի  աշխատի իբրեւ  խորհրդական:  

ԼԻՎԸՐՓՈՒԼ  ՅԱՂԹԵՑ ԱՒՍՏՐԱԼԻՈՅ ՄԷՋ

Ֆութպոլի բարեկամական   մրցումի մը  ընթացքին,   Մելպուռնի մէջ, Լիվըրփուլ  2-0 արդիւնքով պարտութեան մատնեց  Մելպուռն Վիքթորի խումբին:   Լիվըրփուլի կոլերը նշանակեցին Սթիվըն Ճերարտը եւ  Իաքօ Ասփասը:

LEAVE A REPLY

Please enter your comment!
Please enter your name here