ՄԱՐՏ 14-Ի ՈՒԺԵՐԸ ՊԱՏՄԱԿԱՆ ԼՈՒԾՈՒՄԻ ԿԸ ՀՐԱՒԻՐԵՆ ՀԸԶՊԱԼԼԱՆ

0
126

 Մարտ  14-ի  ուժերու ընդհանուր քարտուղարութիւնը  իր  հերթական նիստին ընթացքին քննարկեց  ներլիբանանեան  բեմին վերջին զարգացումները: Նիստի աւարտին  լոյս ընծայուած  հաղորդագրութեան մէջ,  Մարտ  14-ի ուժերու  քարտուղարութիւնը դիտել կու տայ, թէ  վերջին շրջանին   Հըզպալլայի  գործունէութիւնը պատճառ  դարձած էր որպէսզի Եւրոպական Միութիւնը   ահաբեկչական   կազմակերպութիւններու ցուցակին մէջ  ներառնէ անոր անունը:   Մարտ  14-ի ուժերու  քարտուղարութիւնը պատմական լուծումի մը  խորհուրդ տուաւ  Հըզպալլային՝  զէնքը յանձնել  բանակին եւ հեռանալ Սուրիայէն:

ՍԻՆԻՈՐԱ  ԸՆԴՈՒՆԵՑ ՇԵՐՊԷԼԸ

 Մուսթաքպալ Հոսանքի   պետ  Ֆուատ Սինիորա  ընդունեց    ներքին գործոց նախարարի պաշտօնակատար  Մարուան Շերպէլը :  Սինիորա նաեւ ընդունեց Լիբանանի  մօտ Եւրոպական Միութեան պատուիրակ  Անճելինա Էխորհրսթը: Վերջինս Սինիորային  ներկայացուց Հըզպալլայի  վերաբերեալ  Եւրոպական Միութեան  որոշումին դրդապատճառները:  Սինիորա նաեւ ընդունեց Լիբանանի մօտ ՄԱԿ-ի ընդհանուր քարտուղարի  ներկայացուցիչ Տերէք Փլամլին:

LEAVE A REPLY

Please enter your comment!
Please enter your name here