ՄԻՔԱԹԻ ՄԱՂԹԵՑ ՈՐ ԵՒՐՈՊԱԿԱՆ ՄԻՈՒԹԻՒՆԸ ԿԸ ՎԵՐԱՆԱՅԻ ԻՐ ՈՐՈՇՈՒՄԻՆ

0
120

Հանրապետութեան  նախագահ Միշէլ Սըլէյմանի   Միացեալ Նահանգներ կատարած  ճամբորդութիւնը  զգալի բաց մը   ստեղծեց  երկրի քաղաքական  բեմին վրայ:

 Հրաժարեալ վարչապետ  Նեժիպ Միքաթի  վարչապետարանին մէջ ընդունեց  Լիբանանի  մօտ Եւրոպական Միութեան  պատուիրակ Անճելինա Էխորհրսթը եւ անոր հետ քննարկեց  Հըզպալլայի զինուորական թեւին դէմ Եւրոպական Միութեան  որոշումը  յետս կոչելու կարելիութիւնները: Միքաթի իր  հիւրին  յայտնեց, թէ  Լիբանան դիւանագիտական ճանապարհներով  պիտի  հետապնդէ  Եւրոպական Միութեան որոշումին դրդապատճառները: Միքաթի  մաղթեց, որ Եւրոպական  Միութիւնը  կը վերանայի իր որոշումին, ի շահ  Լիբանանի կայունութեան եւ  անվտանգութեան:

Միքաթիի  մօտիկ աղբիւրներ յայտնեցին, թէ   հրաժարեալ կառավարութիւնը  հանրապետութեան նախագահին Լիբանան  վերադարձէն  ետք  նիստ մը պիտի  գումարէ եւ պաշտօնապէս պիտի   մերժէ  Հըզպալլայի դէմ   Եւրոպական  Միութեան    որոշումը: Նորանշանակ  վարչապետ  Թամամ Սալամ  ընդունեց   Պրիժիթա Էպրլին

Նոր կառավարութեան կազմութեան  խորհրդակցութիւններուն  ծիրին մէջ, Մուսթաքպալ Հոսանքի պետ Ֆուատ Սինիորա  հանրապետութեան նախագահ Միշէլ Սըլէյմանին   փոխանցած, թէ  Մուսթաքպալ Հոսանքը ներկայ  հանգրուանին կը նախընտրէ  անկուսակցականներէ  բաղկացած կառավարութիւն մը:

LEAVE A REPLY

Please enter your comment!
Please enter your name here