ԱՀԱԲԵԿՉՈՒԹԻՒՆԸ ԴԱՏԱՊԱՐՏՈՂ ԲՈՂՈՔԻ ՀԱՒԱՔՆԵՐ ԵԳԻՊՏՈՍԻ ՄԷՋ

0
130

 Ընդառաջելով   պաշտպանութեան նախարար Ապտէլ Ֆաթահ Սիսիի  կոչին, միլիոնաւոր եգիպտացիներ  փողոց պիտի   իջնեն  Ուրբաթ  օր, դատապարտելու  ահաբեկչութիւնը: Գետնի  վրայ   բուռն բախումներ   տեղի կ’ունեան  իշխանութեան  եւ  Մորսիի  կողմնակիցներուն միջեգ: Ոչ պաշտօնական   վիճակագրութեան մը համաձայն,  Յունիսէն  ի վեր  218  քաղաքացիներ  մահացած են, իսկ աւելի քան երեք հազար  անձեր   փոխադրուած են հիւանդանոց՝ Եգիպտոսի  ներքին բախումներուն  ընթացքին:

Եգիպտական բանակը  ապահովական խիստ հսկողութեան տակ վերցուց  Գահիրէյէն  721  քիլոմեթր  հարաւ  գտնուող  Լիքսոր   քաղաքը,  երբ  բացայայտուեցաւ, որ  Մորսիի կողմնակիցները  մտադրած են  գրաւել   Լիւքսորի   օդակայանը: Իսլամական Եղբայրակցութեան  ընդհանուր առաջնորդ  Մուհամմէտ Պատիյ, մեկնաբանելով  այսօր՝ Ուրբաթ, ահաբեկչութեան դէմ    ընդհանուր   բողոքի հաւաքներ  կազմակերպելու պաշտպանութեան նախարար Ապտէլ Ֆաթահ Սիսիի  կոչը, ոճիրէն աւելի  ծանրակշիռ արարք մը նկատեց անոր յայտարարութիւնը:    Պատիյ նշեց, թէ բռնատէր մը դարձած է  Սիսին եւ  միանձնեայ կը կառավարէ երկիրը:    

Մարդասիրական «Հիւումըն Ռայց Ուոչ» կազմակերպութիւնը  Եգիպտոսի  նոր իշխանութիւններէն պահանջեց  դադրեցնել  սուրիացիներու  կամայական  ձերբակալութիւնները  եւ զանոնք   Սուրիա  արտաքսելու երեւոյթը:

LEAVE A REPLY

Please enter your comment!
Please enter your name here