ԼԻԲԱՆԱՆԵԱՆ ԿԱՐՃ ԼՈՒՐԵՐ

0
116

– Պաշտպանութեան նախարարի  գործակատար Ֆայէզ Ղըսն  օրինագիծ մը մշակած է, ըստ որուն կ’առաջադրէ   վեց ամիսով   երկարաձգել   բանակի ընդհանուր հրամանատր զօրավար Ժան  Քահուաճիի եւ  բանակի  շտապի պետ հազարապետ Սալմանի  պաշտօնավարութեան ժամկէտները:  Օրինագիծը  ուժի մէջ կրնայ  մտնել այն պարագային, երբ   հանրապետութեան նախագահը եւ վարչապետը  ստորագրեն անոր տակ:

–  Ներքին գործոց նախարարի պաշտօնակատար Մարուան Շերպէլ  պահանջեց, որ  Լիբանան հաստատուած սուրիացիները  կարգաւորեն իրենց բոլոր  փաստաթուղթերը, ինչպէս նաեւ յստակօրէն արձանագրեն իրենց կեցութեան հասցէն: Նախարարը  նշեց, թէ  Երկուշաբթի օր՝ Պաշտպանութեան Գերագոյն Խորհուրդի  նիստը  յատկացուած պիտի  ըլլայ   Լիբանան տեղափոխուած սուրիացիներու կարգավիճակին:

-Ղապպայի մէջ, խումբ մը  երիտասարդներ  յարձակում  գործեցին բանակի  ծառայող Խալէտ Տանտաշիի վրայ եւ    դաշունահարելէ  ետք, փախուստ տունիանոորշ ուղղութեամբ:

– Պըրճ Ալ Պարաժինէ գաղթակայանին մէջ, Ֆաթհի երկու  թեւերուն  միջեւ  բախումի  ընթացքին  սպաննուեցաւ անձ մը:

 –  Բրիտանական  «Տը Կարտիըն»  օրաթերթը  կը գրէ, թէ Լիբանանի մէջ իւրաքանչիւր վեց անձէն մէկը սուրիացի  գաղթական է, իսկ  Յորդանանի  Զաաթարի  գաղթակայանը  դարձած է երկրին  չորրորդ  մարդաշատ  քաղաքը…:

– Ապահովական  կառոյցներ Պէյրութի  միջազգային  օդակայանին մէջ ձերբակալեցին Ահմէտ Ասիրի անձնական թիկնապահներէն  մէկը:

–  Փաղանգաւոր Կուսակցութեան պետ Ամին Ճեմայէլ  ընդունեց  Լիբանանի մօտ Եւրոպական Միութեան  դեսպան Անճելինա Էխորհրսթը: Վերջինս յայտնեց, թէ   Հըզպալլայի   վերաբերեալ  Եւրոպական Միութեան որոշումը   լոյս պիտի  տեսնէ այսօր՝  Ուրբաթ:  Ան միաժամանակ  հերքեց սպառնալիք ստանալու մասին տեղեկութիւնները:

   – Կառավարութեան  մօտ զինուորական ատեանի դատախազ Սաքր Սաքր, մնացեալ ձերբակալեալներուն մօտ  հրահանգեց փոխադրել  սուրիացի քաղաքական մեկնաբան  Մուհամմէտ Տառար  Ճամոյի կինը՝   Սուհէմ Եունէսը:

 – Պուլկարիա     հրապարակեց  Պորկասի պայթումին յանցագործներ՝  Միլատ  Ֆարահի եւ Հասան Հաժ Հասանի նկարները:

 –  Պուրճ Համուտի առեւտրականներու միութեան նախագահ Փօլ Այանեան  բոլոր  կողմերը գոհացնող կառավարութիւն  կազմելու կոչ  մը ուղղեց, դիտել տալով որ երկրին  թեւակոխած քաղաքական, տնտեսական  պայմանները  համագործակցութիւն կը պահանջեն  բոլորէն:

LEAVE A REPLY

Please enter your comment!
Please enter your name here