ՄԱՐԶԱԿԱՆ – ՌՈՃԸՐԶ՝ ՍՈՒԱՐԷԶԻ ԳԻՆԸ 80 ՄԻԼԻՈՆ ՍԹԵՐԼԻՆ Է

0
141

Լիվըրփուլ ակումբի մարզիչ  Պրենտըն  Ռոճըրզ յայտարարեց, թէ  յարձակող Լուիս Սուարէզի   փոխանցման սակը  շատ աւելի սուղ է, քան Արսենալի առաջարկը:  Լոնտոնեան ակումը   40  միլիոն եւ մէկ սթերլին գումար մը  առաջարկեց Սուարէզի փոխանցումին  համար:  Սուարէզ   արտօնութիւն ստացաւ իր պայմանները ներկայացնելու Արսենալին:  Արսենալ՝ շաբթական 150  հազար սթերլինի   հինգ տարուան պայմանագրութիւն մը  պատրաստ է  առաջարկելու  26-ամեայ ֆութպոլիստին:  Սակայն,  Ռոճըրզ յայտարարեց  թէ   Սուարէզի   գինը    ութսուն միլիոն սթերլին է այսօրուան դրութեամբ:

ՀԻԿՈՒԱՅԻՆ ՊԱՇՏՕՆԱՊԷՍ ՄԻԱՑԱՒ  ՆԱՓՈԼԻԻ

Նափոլիի մարզիչ Ռաֆայէլ  Պենիթէզ  մեկնաբանեց  Ռէալ Մատրիտի յարձակող Կոնսալօ Հիկուայինի  Նափոլի  փոխանցումը .« Մենք կը  փնտռէինք   փայլուն յարձակող, ֆութպոլիստ որ կրնայ  բարձրագոյն  ֆութպոլ ցուցադրել:  Կոնսալոյի փոխանցումը մեծ նշանակութիւն պիտի ունենայ  Նափոլիի  համար:  Անիկա  լիուլի կը համապատասխանէ  մեր պահանջներուն:

Հիկուայինի փոխանցումը  40  միլիոն եուրօ  պիտի  արժէ Նափոլիին:

ԷՆՊԻԷՅ-Ի ՄՐՑԱՇՐՋԱՆԸ ՊԻՏԻ ՍԿՍԻ    29  ՀՈԿՏԵՄԲԵՐԻՆ

ԷՆՊԻ ԷՅ-ի  2013- 14  մարզաշրջանի  բացումը տեղի պիտի ունենայ  29  Հոկտեմբերին: Ընթացիկ տարուան ախոյեան  Մայէմի Հիթը  սեփական դաշտին մէջ պիտի  ընդունի  Շիքակօ Պուլզը: Ախոյեանութեան մրցումներու ամբողջական ցուցակը պիտի  հրապարակուի  30  Յուլիսին:  Այժմէն  իսկ  յայտնի, որ   25 Դեկտեմբերին, Մայէմի Հիթ պիտի դառնայ  Լոս Անճելըս Լէյքըրզի հիւրը:

 

LEAVE A REPLY

Please enter your comment!
Please enter your name here