ՀԱՅԱՍՏԱՆ ԵՒ ՉԻՆԱՍՏԱՆ ՀԱՄԱՏԵՂ ԱՐՁԱՆԱԳՐՈՒԹԻՒՆ ԿԸ ՍՏՈՐԱԳՐԵՆ

0
124

Հայաստանի արտաքին գործոց  նախարար  Էտուարտ Նալպանտեան,  Չինաստանի իր պաշտօնակիցին  Ուան  Ցիի հրաւէրով  ժամանեց   Փեքին:  Երկու  նախարարներուն հանդիպման  ընթացքին, Չինաստանի արտաքին գործոց նախարարը ընդգծեց, թէ  իր երկիրը Հայաստանը կը  դիտէ իբրեւ  բարեկամ  գործընկեր:  Ան  նշեց, թէ  Չինաստանի կառավարութիւնը   մտադիր է  շարունակել Հայասատանի հետ  յարաբերութիւնները  ընդլայնելու  աշխատանքները: Չինաստանի  արտաքին գործոց նախարարը  տեղեկացուց, թէ  արդէն իսկ նշանակուած է Հայաստանի հետ միջխորհրդարանական բարեկամութեան  խումբի   չինական կողմի նախագահ:

Երկու նախարարները  շեշտեցին Երեւանի եւ Փեքինի, ինչպէս նաեւ Լոռիի մարզի եւ Շանս նահանգի միջեւ յարաբերութիւններու   հաստատումն ու  զարգացումը:  Կրթական   փոխգործակցութեան  ընդլայնման   ծիրին մէջ  շեշտուեցաւ   Հայաստանի  եւ Չինաստանի   նախագահներու  պայմանաւորուածութեան համաձայն Երեւանի մէջ չինական  դպրոցի    հիմնադրութիւնը, ինչպէս նաե Չինաստանի  եւ Հայաստանի բարձրագոյն  ուսումնական հաստատութիւններուն միջեւ   ուսանողներու փոխանակումը:

Հանդիպումէն ետք  երկու նախարարները ստորագրեցին փրոթոքոլային, դիւանագիտական, կրթական  համաձայնագիր:  

 

LEAVE A REPLY

Please enter your comment!
Please enter your name here