ՄԱՐԶԱԿԱՆ – ՖԱՊՐԵԿԱՍ ՀԱՄԱՁԱՅՆԵՑԱՒ ՄԻԱՆԱԼՈԻ ՄԱՆՉԵՍԹԸՐ ԵՈՒՆԱՅԹԸՏԻ

0
118

Գաթալոնական  Պարչելոնայի եւ Սպանիոյ  հաւաքականի  կիսապաշտպան Սեսկ Ֆապրեկաս  ընդունեց Մանչեսթըր Եունայթըտի միանալու առաջարկը: Անգլիոյ ախոյեանները   երկար  ժամանակէ կը  փափաքէին իրենց  կազմին մէջ ունենալ  26-ամեայ  կիսապաշտպանը:  Այժմ  վերջին խօսքը Պարչելոնային է: Մանչեսթըր Եունայթըտ պատրաստ է  35 միլիոն սթերլին  գումար մը  վճարելու Ֆապրեկասի  փոխանցումին համար:

Սպանացի ֆութպոլիստը  2011-ին Արսենալէն միացաւ  Պարչելոնային: Սպանիոյ առաջնութեան գծով ան մասնակցած է  32 մրցումներու, նշանակելով   11 կոլ:

 

ՄՈՒՐԻՆԻՕ  ՉԱՆՀԱՆԳՍՏԱՆԱՐ   ՌՈՒՆԻԻ ՓՈԽԱՆՑՈՒՄՈՎ

 Չելսիի  մարզիչ Ժոզէ Մուրինիօ   համոզուած է,  թէ ուշ կամ՝ կանուխ Ուէյն Ռունի պիտի  միանայ  լոնտոնեան կազմին:  Ճիշդ այս պատճառով, Մուրինիօ   լրագրողներուն յայտնեց, թէ   չանհանգստանար  Ռունիի փոխանցումով:  Մանչեսթըր Եունայթըտի մարզիչ Տէյվիտ Մոյս  յայտարարեց, թէ  Ռունի պիտի չլքէ «Կարմիր Սատանաներ»ը: Սակայն  27-ամեայ ֆութպոլիստը  կը մերժէ հագնիլ Եունայթըտի շապիկը եւ  մտադրած է    հեռանալ Մանչեսթըրէն:

Մուրինիօ համոզուած է, որ  Ռունիի փոխանցումը պիտի արժէ  25  միլիոն սթերլին:

ԹՈԹԵՆՀԱՄ  120  ՄԻԼԻՈՆ ԵՈՒՐՕ ԿԸ   ՊԱՀԱՆՋԷ  ՊԷՅԼԻ  ՓՈԽԱՆՑՈՒՄԻՆ ՀԱՄԱՐ

Անգլիական Թոթենհամ ակումբի տնօրէնութիւնը  պատրաստակամութիւն յայտնեց  բանակցութիւններ վարելու Կարէթ Պէյլի  փոխանցումին  համար, այն պարագային երբ  դիմորդ ակումբները   120  միլիոն եուրօ գումար վճարելու  պատրաստակամութիւն յայտնեն: 

Սպանական Ռէալ  Մատրիտ ակումբը   մեծ  ճիգեր կը  թափէ իր կազմին մէջ ունենալու 24-ամեայ միջնապահը:: Թոթենհամի մարզիչ Անտրէ Վիլաշ Պոաշ  ըսաւ, թէ   լոնտոնեան ակումբի  տնօրէնութիւնը պատրաստ է  բարելաւուած  պայմանագրութիւն մը առաջարկեու Պէյլին:  Սակայն  ըստ  երեւոյթին Պէյլին հաշուած օրեր կը մնան լոնտոնեան կազմին  մէջ:

LEAVE A REPLY

Please enter your comment!
Please enter your name here