ՄՈՐՍԻԻ ԴԷՄ 15 ՕՐՈՒԱՆ ԲԱՆՏԱՐԿՈՒԹԵԱՆ ՎՃԻՌ

0
114

Եգիպտոսի   դատարանը  15 օր բանտարկութեան  որոշում կայացուց  նախկին նախագահ   Մոհամմէտ Մորսիի դէմ: Դատարանը  Մորսին   մեղադրեց   Համասի  հետ  համագործակցելու, ինչպէս  նաեւ  2011 թուականին բանտէն  փախուստ տալու  յանցանքով: ՄԱԿ-ի ընդհանուր  քարտուղար Պան Քի Մուն  եգիպտական իշխանութիւններէն պահանջեց ազատ արձակել  Մոհամմէտ Մորսին եւ  թափանցիկ   գործընթացներով  յառաջ  մղել Իսլամական Եղբայրակցութեան անդամներուն  դատավարութիւնը:

Ապահովական գետնի վրայ,  Եգիպտոսի բանակը  48  ժամուան պայմանաժամ տուաւ Իսլամական Եղբայրակցութեան, որպէսզի   միանան  «Ճանապարհային քարտէս»ին, որուն  հիման վրայ,  վեց ամիս ետք  տեղի պիտի ունենան խորհրդարանական  ընտրութիւններ: 

Եգիպտոսի ղպտիներուն  Թրուաթորոս Բ. Պապը  իր զօրակցութիւնը յայտնեց երկիրը պաշտպանելու բոլոր միջոցառումներուն եւ դատապարտեց  վայրագութիւնը: 

Միջազգային Ելեւմտական Հիմնարկը  յետաձգեց  Եգիպտոսի իշխանութիւններու հետ  քաղաքական մակարդակով  բանակցութիւններ վարել՝  4.8  միլիառ տոլար պարտք  տրամադրեու վերաբերեալ, որովհետեւ  միջազգային հանրութիւնը տակաւին կը մերժէ  ճանչնալ   Գահիրէի անցումային կառավարութիւնը:

Ապահովական գետնի  վրայ բանակը եւ  ներքին ապահովութեան ուժեր  խիստ հսկողութեան տակ վերցուցին կառավարական  հաստատութիւնները առաջնորդող ճանապարհները:Մորսիի կողմնակիցները   երկրին տարբեր  շրջաններուն մէջ  կատարեցին   բողոքի ցոյցեր:

LEAVE A REPLY

Please enter your comment!
Please enter your name here