ՆԵՐԿԱՅԱՑՈՒՑԻՉՆԵՐՈՒ ՏԱՆ ՅԱՆՁՆԱԽՈՒՄԲԸ ՎԱՒԵՐԱՑՈՒՑ ԱՐՑԱԽԻՆ ՕԺԱՆԴԱԿԵԼՈՒ ՈՐՈՇՈՒՄԸ

0
106

Միացեալ Նահանգներու Ներկայացուցիչներու տան Յատկացումներու յանձնախումբը վաւերացուց 2014-ի պետական պիւտճէին մէջ Արցախին առաւել օժանդակութիւն տրամադրելու որոշում մը. այս մասին կը տեղեկացնէ Ամերիկայի Հայ Դատի յանձնախումբը՝ աւելցնելով, թէ Հայաստանի տրամադրուելիք օժանդակութեան գումարը չէ նշուած որոշումին մէջ:
Ըստ որոշումին՝ Միացեալ Նահանգներու պետական քարտուղարը իրաւասութիւն  ունի նախորդ տարիներու ընթացքին տրամադրուած օժանդակութեանց չափով օգնութեան ձեռք երկարել Արցախի տագնապէն տուժածներուն: Որոշումը պէտք է վաւերացուի Ներկայացուցիչներու Տան լիագումար նիստին:
«Երախտապարտ ենք յանձնախումբի ատենապետուհի Կրէյնճըրին եւ բարձրաստիճան անդամ Լոուիին, որոնք անսալով գոնկրեսական Շիֆի կոչերուն՝ որոշեցին Արցախի ժողովուրդին օժանդակութիւն տրամադրելու կէտը աւելցնել բանաձեւին վրայ, նախորդ տարիներու օժանդակութեանց չափով, հակառակ այն իրողութեան, որ ամավարկը լեցուն էր ծախսերու սուր կրճատումներով». յայտնեց Ամերիկայի Հայ Դատի յանձնախումբի գործադիր վարիչ Արամ Համբարեան, որ միաժամանակ մտահոգութիւն  յայտնեց, թէ Հայաստանի վերանկախացումէն ետք, առաջին անգամ ըլլալով Հայաստանի տրամադրուելիք օժանդակութեան չափը յստակօրէն չէ մատնանշուած բանաձեւին մէջ:

 

LEAVE A REPLY

Please enter your comment!
Please enter your name here