ՍԱԼԱՄ ԱՆՀԱՒԱՆԱԿԱՆ ԿԸ ԳՏՆԷ ԿԱՌԱՎԱՐՈՒԹԵԱՆ ԿԱԶՄՈՒԹԻՒՆԸ ՅԱՌԱՋԻԿԱՅ ԵՐԿՈՒ ՇԱԲԱԹՆԵՐՈՒՆ ԸՆԹԱՑՔԻՆ

0
109

Կառավարութեան կազմութիւնը եւ Խորհդարանի Երկուշաբթի օրուան  լիագումար  նիստը  կը մնան  քաղաքական  բեմին  տիրական  խորագիրները:  Նորանշանակ  վարչապետ  Թամամ Սալամ  անհաւանական կը գտնէ  նոր կառավարութեան  ծնունդը՝  յառաջիկայ  տասնհինգ օրերուն  ընթացքին: Կառավարութեան   կազմութեան  վերաբերեալ, քաղաքական  դէտերու կարծիքով, մինչեւ Սուրիոյ իրավիճակին յստակացումը  կառավարութեան կազմութիւն  եւ  խորհրդարանի ընտրութիւններ  տեղի պիտի  չունենան  Լիբանանի մէջ: Խորհրդարանի վաղուան  լիագումար նիստը  շատ հաւանաբար  պիտի  ունենայ իր նախորդին  ճակատագիրը:  Քաղաքական  մէկէ աւելի  խմբաւորումներ կը մերժեն  լիագումար   նիստին առիթով խորհրդարանի նախագահին  ներկայացուցած  օրակարգները:

 Քաղաքական    երկու  գլխաւոր զօրանոցներուն մէջ կ’արծարծուի բանակի ընդհանուր  հրամանտարին պաշտօնավարութեան  ժամկէտը   երկարաձգելու եղանակին  օրինականութիւնը: Այն եղանակը, որ  պաշտպանութեան նախարարը    ժամկէտը երկարաձգելու   օրինագիծ պիտի  ներկայացնէ հանրապետութեան նախագահին եւ  հրաժարեալ  վարչապետին, շատ մը  իրաւագէտներու   կարծիքով կը մնայ խոցելի, իսկ ուրիշներու համար՝ օրինական: Վերջին տեսակէտին  կառչողները անիմաստ կը  գտնեն  երկարաձգումի  որոշումը  վիճառկելու   Միշէլ Աունի  սպառնալիքները:

LEAVE A REPLY

Please enter your comment!
Please enter your name here