ԵԳԻՊՏՈՍԻ ՀԱԿԱՄԱՐՏՈՒԹԵԱՆ ԿՈՂՄԵՐԸ ԿԸ ՄՆԱՆ ԱՆԶԻՋՈՂ

0
114

Եգիպտոսի հակամարտութեան երկու  կողմերը կը մնան  անզիջող: Անցնող  քսանչորս  ժամերուն  ընթացքին բանակին եւ Մորսի համակիրներուն  միջեւ  տեղի ունեցող  բախումներուն ընթացքին  սպաննուեցան երկու հարիւրէ աւելի  անձեր:  Վիրաւորներուն թիւը անցաւ հազարը:  Մտահոգիչը այն է, որ  հակամարտութիւնը  Գահիրէյէն դուրս  գալով սկսաւ տարածուիլ այլ քաղաքներու մէջ: ՄԱԿ-ի  ընդհանուր քարտուղար  Պան Քի  Մուն դատապարտեց  Եգիպտոսի   մէջ  պատահող  վայրագութիւնները եւ պահանջեց ազատ արձակել  Մոհամմէտ  Մորսին: Թուրքիոյ  վարչապետ Ռեճէպ Թայիփ Էրտողան  խստօրէն    քննադատեց  Եգիպտոսի  վայրագութիւններուն ի տես, Եւրոպական  Միութեան եւ  ՄԱԿ-ի  անտարբերութիւնը.« Սկիզբը՝  ժողովրդավարութիւնը  մորթեցին,  իսկ այժմ՝  ժողովուրդը». ըսաւ  Էրտողան: Իսլամական թեքումով   կուսակցութիւնները  պահանջեցին  Մոհամմէտ Ալ Պարատէյի կառավարութեան հրաժարականը

Սուրիոյ  արտաքին գործոց նախարարութիւնը  ուղերձ  մը  յղեց  ՄԱԿ-ի մարդու իրաւունքներու  գերագոյն յանձնակատարին՝ծայրայեղական աւազակախումբերու կողմէ  տասնեակ զինուորներու  եւ քաղաքացիներու նկատմամբ կատարուած բարբարոսութեան առիթով: Նախարարոթիւնը այդ  բարբարոսութեան  մէջ  դիտել կու տայ  կարգ մը դրացի պետութիւններու տխուր դերակատարութիւնը: Ռազմական  գետնի վրայ բանակը ծայրայեղականներուն տիրապետութենէն ազատագրեց  Հոմսաքաղաքի արուարձաններուն մեծամասնութիւնը:  Սուրիական բանակը Խալետիյէի  շրջանը յայտարարեց  ազատագրուած գօտի:

 

LEAVE A REPLY

Please enter your comment!
Please enter your name here