ԵԳԻՊՏՈՍԻ ՀԱԿԱՄԱՐՏՈՒԹԵԱՆ ԿՈՂՄԵՐԸ ԿԸ ՄՆԱՆ ԱՆԶԻՋՈՂ

0
138

Եգիպտոսի  ժամանակաւոր   իշխանութիւնները կ’ուսումնասիրեն  մայրաքաղաքին մէջ ստիպողական  դրութիւն  յայտարարելու կարելիութիւնները: Իշխանութիւնները  հրապարակներէն    հեռանալու կոչ կ’ուղղեն Իսլամական Եղբայրակցութեան համակիրներուն:  Անոնց   հրահանգները կը մնան անպատասխան:

Ժամանակաւոր  նախագահ Ատէլ Մանսուր,  օրէնքի  չենթարկուող  քաղաքացիները  ձերբակալելու լիազօրութիւն  շնորհեց բանակին:  Եգիպտոսի հակամարտութեան երկու  կողմերը կը մնան  անզիջող: Անցնող  քսանչորս  ժամերուն  ընթացքին բանակին եւ Մորսի համակիրներուն  միջեւ  տեղի ունեցող  բախումներուն ընթացքին  սպաննուեցան երկու հարիւրէ աւելի  անձեր:  Վիրաւորներուն թիւը անցաւ հազարը: Մորսիի  կողմնակիցները երէկ մօտեցան Գահիրէի  ռազմական զօրանոցին  եւ անտեսեցին  ետդարձ կատարելու  զինուորականներուն  կոչերը: Բարեբախտաբար  բանակը  կրակ  չբացաւ ցուցարարներուն վրայ:  Մտահոգիչը այն է, որ  հակամարտութիւնը  Գահիրէյէն դուրս  գալով սկսաւ տարածուիլ այլ քաղաքներու մէջ:

 ՄԱԿ-ի  ընդհանուր քարտուղար  Պան Քի  Մուն դատապարտեց  Եգիպտոսի   մէջ  պատահող  վայրագութիւնները եւ պահանջեց ազատ արձակել  Մոհամմէտ  Մորսին: Թուրքիոյ  վարչապետ Ռեճէպ Թայիփ Էրտողան  խստօրէն    քննադատեց  Եգիպտոսի  վայրագութիւններուն ի տես, Եւրոպական  Միութեան եւ  ՄԱԿ-ի  անտարբերութիւնը.« Սկիզբը՝  ժողովրդավարութիւնը  մորթեցին,  իսկ այժմ՝  ժողովուրդը». ըսաւ  Էրտողան: Իսլամական թեքումով   կուսակցութիւնները  պահանջեցին  Մոհամմէտ Ալ Պարատէյի կառավարութեան հրաժարականը: Եւրոպական  Միութեան հարցերով Թուրքիոյ  նախարար Էկեմէն Պաղըշ ըսաւ, թէ  անցնող  եօթանասուն տարիներուն  ընթացքին, Մոհամմէտ Մորսի  ժողովրդավարական  ճանապարհով  ընտրուած  միակ նախագահն է  Եգիպտոսի  մէջ»:

Դիւանագիտական գետնի վրայ Եգիպտոսի արտաքին գործոց նախարար Նեպիլ Ֆեհմի  ընդունեց  Եւրոպական Միութեան արտաքին քաղաքականութեան  գլխաւոր բանագնաց  Քաթրին Աշթընը:  Հանդիպումէն ետք, Աշթըն  մերժեց որեւէ  մեկնաբանութիւն  կատարել լրագրողներուն: Ֆեհմի  նաեւ  հեռաձայնային հաղորդակցութիւն մը ունեցաւ  Սէուտական Արաբիոյ արտաքին գործոց նախարար,իշխան  Սէուտ Ֆայսալի հետ: Աշթըն նաեւ այցելեց  փոխվարչապետ  Մուհամմէտ Ալ Պարատէյին:  Հանդիպումի  վերջաւորութեան անոնք շեշտեցին քաղաքական  բոլոր խմբաւորոմներու մասնակցութիւնը  երկրին  առօրեային: Ալ Պարատէյ    հեռաձայնային հաղորդակցութիւն  մը ունեցաւ ՄԱԿ-ի ընդհանուր քարտուղար Պան Քի Մունի  հետ:

LEAVE A REPLY

Please enter your comment!
Please enter your name here