ԼԻԲԱՆԱՆԵԱՆ ԿԱՐՃ ԼՈՒՐԵՐ

0
98

–         Սեպտեմբեր ամսուան ընթացքին, ՄԱԿ-ի Ապահովութեան Խորհուրդի  68-րդ ընդհանուր նիստերու  ծիրին մէջ, Լիբանանի առաջարկով   միջազգային խորհրդաժողով մը նախատեսուած է՝  Սուրիոյ գաղթականներուն վերաբերեալ:  Սոյն խորհրդաժողովին  Լիբանանը պիտի  ներկայացնէ հանրապետութեան նախագահ Միշէլ Սըրլէյման, ընկերային հարցերու նախարար  Ուայէլ Ապու  Ֆաուր եւ  արտաքին գործոց նախարար Ատնան Մանսուր:  

–          Հարաւային  Լիբանանի մէջ տեղակայուած  ՖԻՒՆԻԼ-ի խաղաղապահ  ուժերու  խօսնակ  Անտրէա Թենենթի յայտնեց, թէ  խաղաղապահ   ուժերը կ’ամբողջացնեն  լիբանանեան  բանակին աշխատանքները, ինչպէս որ կը նշէ թիւ  1701 բանաձեւը: Թենենթի  հերքեց խաղաղապահ  ուժերու դէմ  սպառնալիքներու մասին  տեղեկութիւնները: Նշենք, թէ ՖԻՒՆԻԼ-ի  12  հազար  միաւորներ տեղակայուած են հարաւային Լիբանանի մէջ:

–         Ապահովական կառոյցներ  յայտնաբերած  են, որ Այն Հելու գաղթակայանին մէջ  թաքնուած ծայրայեղականներ՝ ինքնաշարժ պայթեցնելու   դասընթացքներ կու տան նորագիր  զինեալներու: Պաղեստինցի արմատական մը, գողցուած ինքնաշարժներ կը հայթայթէ ծայրայեղականներուն:  Ապահովական աղբիւրներ կը յայտնեն, թէ խնդրոյ առարկայ  կազմակերպութիւնները կը ծրագրեն ահաբեկչական գործողութիւններ իրականացնել Լիբանանի եւ Սուրիոյ մէջ:

–         Լրատուական կարգ մը աղբիւրներ հաղորդեցին, թէ Սայտայի  դէպքերէն ի վեր թաքնուած  Ահմէտ Ասիրի կողմնակից զինեալներ,  վերջերս ի պատիւ  Ահմէտ Հարիրիի  տրուած  «իֆթար»ի մը  մասնակցած են  արեւելեան  Սայտայի մէջ, ապա՝  անհետացած:  

–         Բանակի  ընդհանուր հրամանատար, զօրավար Ժան Քահուաճի կը պահանջէ, որ  պաշտօնավարութիւնը  երկարաձգելու  որոշումը հրամանագիրով մը  լոյս  ընծայուի եւ  ոչ՝  որոշումով: Իրաւագէտներու կարծիքով, որոշումը կարելի է  վիճարկել,  հրամանագիրը՝ ոչ:

–          Լիբանանի մօտ Միացեալ Նահանգներու  դեսպան Մորա Գոնելի պաշտօնավարութեան պայմանաժամը  աւարտելու առիթով հրաժեշտի  փրոթոքոլային այցելութիւններ կու տայ  իշխանութեան  ներկայացուցիչներուն:

–         Ապահովական կառոյցներ ազատ արձակեցին սուրիացի քաղաքական  մեկնաբան Մուհամմէտ Տառար  Ճամոյի դուստրը  եւ անոր ընտանիքին մնացեալ  պարագաները, ոճիրին  վերաբերեալ  բաւարար ապացոյցներ  չգտնելու պատճառով:

LEAVE A REPLY

Please enter your comment!
Please enter your name here