ՄԱՐԶԱԿԱՆ – ՄԽԻԹԱՐԵԱՆ ԵՒՐՈՊԱՅԻ ԼԱՒԱԳՈՅՆ 50-ԻՆ ՄԷՋ

0
147

 Հեղինակաւոր  Goal.com պարբերականը  ներկայացուցած է   2012-13 մարզական տարեշրջանի Եւրոպայի լաւագոյն  50  ֆութպոլիստներուն  ցուցակը:  Հայաստանի  ազգային խումբի եւ Պորուսիա Տորթմունտի   միջնապահ  Հենրիկ  Մխիթարեան  կը գրաւէ  43-րդ  դիրքը:

Մխիթարեան անցնող տարեշրջանին  42  մրցում կատարած է Շախտիոր  Տոնեցքի շապիկով, նշանակելով  29 կոլ:

ՊԷՅԼ  ԿԸ  ՓԱՓԱՔԻ     ՄԻԱՆԱԼ ՌԷԱԼ ՄԱՏՐԻՏԻ

 Ուէյլզի եւ  Թոթենհամի   միջնապահ Կարէթ  Պէյլ՝  Ռէալ  Մատրիտի  միանալու գրաւոր դիմում ներկայացուց  լոնտոնեան ակումբին տնօրէնութեան:  Անգլիական ակումբը   100 միլիոն սթերլին կը պահանջէ  24-ամեայ Պէյլի փոխանցումին համար: Ռէալ  Մատրիտ ցարդ ներկայացուցած է  85  միլիոնի առաջարկ մը: Թոթենհամի տնօրէնութիւնը դադրեցուցած է  առաջին խումբին հետ Պէյլի մարզումները:

Թոթենհամի նախկին մարզիչներէն   Տէյվիտ Փլիթ յայտարարեց, թէ  Կարէթ Պէյլ  պիտի կործանի  Ռէալ Մատրիտի միանալու պարագային :

Միւս կողմէ, Մանչեսթըր  Եունայթըտ ակումբը քաջ գիտնալով, որ գրեթէ անկարելիուոթեան  հասած է Պարչելոնայէն Սեսկ Ֆապրեկասի  փոխանցումը,  պաշտօնական առաջարկ մը ներկայացուց Ռէալ Մատրիտի  միջնապահ Լուքա Մոտրիչի  համար:

ԹԻԱԿՕ  ՍԻԼՎԱ ՆՈՐ ՊԱՅՄԱՆԱԳՐՈՒԹԻՒՆ  ՍՏՈՐԱԳՐԵՑ

Ֆրանսայի ախոյեան Փարի Սէն Ժերմէնի կեդրոնական  յետսապահ Թիակօ  Սիլվա  նոր պայմանագրութիւն մը կնքեց ակումբին հետ: Ըստ նոր պայմանագրութեան,  28- ամեայ  պրազիլիացի ֆութպոլիստը  մինչեւ  2018 պիտի կրէ ֆրանսական ակումբին շապիկը:

Սիլվայի  ծառայութիւններով    հետաքրքրուած էր Պարչելոնան:

 

ԻՏԱԼԻՈՅ ՖՈՒԹՊՈԼԻ  ԱԽՈՅԵԱՆՈՒԹԵԱՆ ԱՌԱՋԻՆ  ՀԱՆԳՐՈՒԱՆԻ ՄՐՑՈՒՄՆԵՐՈՒՆ ՅԱՅՏԱԳԻՐԸ

Իտալիոյ ֆութպոլի ախոյեանութեան  2013-14 տարեշրջանի վարագոյրը պիտի բարձրանայ Շաբաթ,  24 Օգոստոսին եւ պիտի շարունակուի յաջորդ օրը՝ Կիրակի, 25  Օգոստոսին:

Իտալիոյ  ֆութպոլի  ֆետերասիոնը   յայտարարեց առաջին հանգրուանի մրցումներուն յայտագիրը, առանց նշելու  մրցումները սկսելու  ժամը:

Պոլոնիա –   Վերոնա

 Գաթանիա – Ճենովա

 Քիեւօ –  Աթալանթա

  Ինթէր Միլան – Ռոմա

 Եուվենթուս – Ա.Սէ. Միլան

 Նափոլի – Լիվորնօ

 Փարմա-  Սասոլօ

 Սամփտորիա –  Թորինօ

Ուտինեզէ  – Գալիարի

Լացիօ  – Ֆիորենթինա

LEAVE A REPLY

Please enter your comment!
Please enter your name here