ՄԻՔԱԹԻ ԸՆԴՈՒՆԵՑ ԲԱՆԱԿԻ ՀՐԱՄԱՆԱՏԱՐԸ

0
106

Հրաժարեալ վարչապետ  Նեժիպ Միքաթի վարչապետարանին մէջ  ընդունեց  բանակի ընդհանուր  հրամանատար, զօրավար  Ժան Քահուաճին:  Միքաթի դիտել տուաւ, որ  մինչեւ  բանակի նոր հրամանատարի մը նշանակումը, այժմու հրամանատարին պաշտօնավարութեան ժամկէտը երկարաձգելը խորթ է օրէնսդրութեան:  Միքաթի  ընդգծեց, թէ  անհրաժեշտ է յստակ  պայմանաժամով  մը սահմանափակել երկարաձգումը, որովհետեւ  տարիէ մը նուազ, ինչպէս նաեւ տարիէ մը աւելի երկարաձգումը՝ իւրայատուկ  դժուարութիւններ պիտի ստեղծէ  քաղաքական  բեմին վրայ: Սակայն, աւելի ուշ  հանրապետութեան նախագահին եւ  պաշտպանութեան նախարարին հետ խորհրդակցելէ ետք,  Միքաթի յայտարարեց, թէ   համաձայութիւն գոյացած է  երկու տարիով երկարաձգելու   բանակի  հրամանատար, զօրավար Ժան Քահուաճիի,  բանակի շտապի պետ, հազարապետ Ուալիտ  Սալմանի  պաշտօնավարութեան  ժամկէտը: 

Կառավարական աղբիւրը հաղորդեց, թէ երկարաձգումի մասին  պաշտօնական  որոշումը պիտի  փոխանցէ պաշտպանութեան նախարարութիւնը: Միքաթի ընդունեց  փոխվարչապետ Սեմիր Մուքպիլը, Լիբանանի մօտ Արժանթինի դեսպանը, ԵՈՒՆԵՍՔՕ-ի մօտ  Լիբանանի դեսպան Խալիլ Քարամը,  Պելճիքայի մօտ Լիբանանի դեսպան Ռամի  Մուրթատան եւ  այալ անձնաւորութիւններ:

LEAVE A REPLY

Please enter your comment!
Please enter your name here