ԲԱՆԱԿԻ ՕՐՈՒԱՆ ԱՌԻԹՈՎ ԱՐՏԱՍԱՆԱԾ ԻՐ ԽՕՍՔԻՆ ՄԷՋ, ԶՕՐԱՎԱՐ ՔԱՀՈՒԱՃԻ՝ ՊԱՐԱՊՈՒԹԵԱՆ ՍՊԱՌՆԱԼԻՔԸ ԿԱՐԳ ՄԸ ՈՐՈՇՈՒՄՆԵՐՈՒ ՊԱՏՃԱՌ ԴԱՐՁԱՆ

0
110

Լիբանանեան բանակի օրուան առիթով արտասանած իր խօսքին մէջ,  բանակի ընդհանուր  հրամանատար, զօրավար Ժան Քահուաճի հաստատեց, թէ  կառչած պիտի մնայ   լիբանանեան  սահմանադրութեան եւ ազգային  համախոհութեան սկզբունքներըամրապնդող բոլոր այն կէտերուն,որոնք կը վերաբերին  Լիբանանի գերիշխանութեան, անոր   ժողովրդավարական կառոյցներուն պաշտպանութեան, յարգելով՝  Լիբանանի վերաբերեալ արաբական եւ  միջազգային  համաձայնութիւնները:  Քահուաճի դիտել տուաւ, որ    պարապութեան  սպառնալիքը պատճառ մը դարձած էր կարգ մը որոշումներու, որոնք  տեղի պիտի  չունենային  բնական   քաղաքական պայմաններու  տակ:

Քահուաճի  նշեց, թէ բանակի  օրը  հայրենիքի համար ծառայող, զոհողութիւններ մատուցողներու  տօնն է, ինչպէս նաեւ հայրենիքի  պաշտպանութեան  համար ինկած  նահատակներու յիշատակի օրը: « 1 Օգոստոս  2013, կ’երդնունք  միայն Լիբանանին ծառայել եւ  բանակը  պիտի դառնայ այդ ուխտին պահապանը». իր խօսքը աւարտեց զօրավար Քահուաճի:  

Բանակի  օրուան առիթով, զինուորական վարժարանին մէջ  այսօր առաւօտեան, հանրապետութեան նախագահին, իշխանութեան ներկայացուցիչներու, բանակի  հրամանատարութեան, քաղաքական եւ հոգեւոր ներկայացուցիչներու  մասնակցութեամբ տեղի  պիտի ունենայ  պաշտօնական հանդիսութիւն: Բացի այդ,   բանակի բոլոր   զօրանոցներուն  մէջ ծաղկեպսակներ պիտի  զետեղուին՝  բանակի նահատակներուն յուշարձաններուն առջեւ:

LEAVE A REPLY

Please enter your comment!
Please enter your name here