ԼԻԲԱՆԱՆԵԱՆ ԿԱՐՃ ԼՈՒՐԵՐ

0
133

–         Լիբանանեան բանակի  ընդհանուր հրամանատարին եւ բանակի շտապին պաշտօնավարութեան  պայմանաժամերը երկարաձգելու   խորհրդակցութիւններու  ընթացքին, հեռաձայնային  հաղորդակցութիւն մը տեղի ունեցած է Ուալիտ Ճոմպլաթի եւ Սըլէյման  Ֆրանճիյէի միջեւ, առաջինին նախաձենութեամբ:

–         Արաբական Ծոցի Համագործակցութեան անդամ պետութիւնները Եւրոպական Միութեան   քայլերուն  հետեւելով, մտադրած են  կեցուածք մը  որդեգրել Հըզպալլայի դէմ: Դիւանագիտական  շրջանակներու կարծիքով, առնուելիք որոշումը շատ  աւելի խիստ պիտի  ըլլայ, քան Եւրոպական  Միութեանը:

–         Լիբանանեան բանակի գաղտնի սպասարկութիւնը ձերբակալեց Արսէլի մէջ լիբանանեան բանակի մէկ  անցարգելին վրայ  կատարուած  յարձակումին  գլխաւոր  յանցագործներէն  մէկը:

–         Կառավարութեան  մօտ  զինուորական ատեանի  գլխաւոր դատախազ Սաքր Սաքր  դատական հայց բարձրացուց  Ահմէտ Ասիրի թիկնապահնրերէն Ալի Իտ Ուահիտի, ինչպէս նաեւ փախուստ տուած անոր երկու թիկնապահներուն դէմ: Սաքր  մերժեց նախկին նախարար Միշէլ Սըմեհան՝ պայմանական եղանակով  ազատ արձակելու  դիմում մը:

–         Հանրապետութեան միւֆթի շէյխ  Մուհամմէտ Ռաշիտ Քապպանի  հեռախօսային  հաղորդակցութիւն մը  ունեցաւ  բանակի հրամանատար, զօրավար  Ժան Քահուաճիի հետ եւ շնորհաւորեց  լիբանանեան բանակը  անոր տօնին առիթով:

–         Մարտ  14-ի  ղեկավարներուն կատարած այցելութիւններուն ծիրին մէջ,  երեսփոխան  Պահիա Հարիրի այցելեց  Փաղանգաւոր Կուսակցութեան պետ  Ամին Ճեմայէլին եւ  նախկին նախարար  Նէյլա Մուաուատին: Հարիրի իր  զրոյցներուն  ընթացքին քննարկեց  ներլիբանանեան  բեմի  վերջին զարգացումները: Պահիա Հարիրի  այսօր՝ Հինգշաբթի, պիտի այցելէ Մարտ  14-ի ուժերու  ընդհանուր քարտուղարութեան կեդրոնատեղին:

–         Հրաժարեալ  վարչապետ  Նեժիպ Միքաթի հրապարակեց    հրամանագիր մը, որուն հիման վրայ, Ֆիթրի  տօնին առաջին եւ երկրորդ  օրերուն ընթացքին,  պետական, վարչական  բոլոր հաստատութիւնները պիտի մնան փակ:

–         Խորհրդարանի նախագահ Նեպիհ Պըրրի, երեսփոխաններու հետ  Այն Էլ Թինէի մէջ ունեցած հանդիպումին ընթացքին նշեց, թէ կառավարութեան կազմութիւնը  ուշացնող պատճառները կը մնան անփոփոխ:

–          Լիբանանեան բանակի երկու  ծառայողներ  Մեճտըլ Այնճարի մէջ  խուզարկութիւն մը կատարելու ընթացքին յարձակումի ենթարկուեցան: Բանակային Շեպէլ Հաթէմ  տեղւոյն  վրայ նահատակուեցաւ:

LEAVE A REPLY

Please enter your comment!
Please enter your name here