ՀԱՅԱՍՏԱՆ Կ’ՈՒՍՈՒՄՆԱՍԻՐԷ ՅԱՌԱՋԻԿԱՅ ՏԱՐԻ ԽԱՂԱՂԱՊԱՀ ՈՒԺԵՐ ՂՐԿԵԼ ԼԻԲԱՆԱՆ

0
147

Լիբանանի մէջ ՄԱԿ-ի խաղաղապահ առաքելութեան կազմին մէջ հայկական խաղաղապահ ստորաբաժանման ընդգրկումը կը նախատեսուի յաջորդ տարի: Այս մասին  յայտարարեց  ՀՀ պաշտպանութեան նախարարութեան մամուլի խօսնակ Արծրուն Յովհաննիսեան: “Այս պահին քննարկումները դեռեւս ընթացքի մէջ են: Նախատեսւում է Լիբանան ուղարկել մօտ մէկ դասակին համապատասխան ուժեր”,- նշեց  Յովհաննիսեան:

Լիբանանի մէջ ՄԱԿ-ի հովանիին տակ իրականացուող ՖԻՒՆԻԼ-ի խաղաղապահ առաքելութեան հրամանատար երկիր հանդիսացող Իտալիան պաշտօնապէս դիմած է Հայաստանին՝ առաքելութեան կազմին մէջ հայկական զօրախումբ ընդգրկելու առաջարկով, որ պէտք է իրականացնէ առաքելութեան կեդրոնակայանի անվտանգութեան ապահովման գործառոյթներ: Այս պահուն ՖԻՒՆԻԼ-ի  խաղաղապահ առաքելութեան կազմին մէջ հայկական զօրախումբ ընդգրկելու վերաբերեալ  բանակցութիւններ կ’ընթանան ՄԱԿ-ի եւ Իտալիոյ պաշտպանութեան նախարարութեան  հետ զօրախումբի կառուցուածքին, տեղակայման վայրին, խնդիրներուն, թիկունքային ու ճարտարագիտական ապահովման եւ այլ խնդիրներու շուրջ:

2012 թուականէն Լիբանանի մէջ ՄԱԿ-ի դիտորդական առաքելութեան կազմին մէջ ներգրաւուած է Հայաստանի  զինեալ ուժերու  մէկ սպայ:

Հայաստանի Հանրապետութեան զինուած ուժերը 2004-էն կը մասնակցին միջազգային խաղաղարար գործողութիւններուն` վայելելով վստահելի գործընկերոջ հեղինակութիւն: Հայ խաղաղապահները ներկայիս  կը գործեն Քոսովոյի մէջ` ամերիկեան,  Աֆղանիստանի մէջ` գերմանական զօրախումբերու կազմէն:

LEAVE A REPLY

Please enter your comment!
Please enter your name here