ՄԻՔԱԹԻ ՆԻՍՏԻ ՊԻՏԻ ՀՐԱՒԻՐԷ ՀՐԱԺԱՐԵԱԼ ԿԱՌԱՎԱՐՈՒԹԻՒՆԸ, ԵԹԷ…

0
112

Հրաժարեալ վարչապետ  Նեժիպ Միքաթի   իր այցելուներուն յայտնեց, թէ մինչեւ  Սեպտեմբերի  կէսը  նոր կառավարութիւն չկազմուելու պարագային,  նիստի պիտի հրաւիրէ հրաժարեալ  կառավարութիւնը:  Միքաթի ընդունեց Լիբանանի մօտ  Իրանի դեսպան  Ղատանֆար Ռըքն Ապատին: Վերջինս  նամակ մը  փոխանցեց  Միքաթիին, Իրանի առաջին փոխնախագահ Մուհամմէտ Ռիտա Ռահիմիէն:  Դեսպանը  լրագրողներուն յայտնեց, թէ  Իրան պատրաստ է   լուծելու ուժանիւթի ոլորտին մէջ  Լիբանանի  դիմագրաւած դժուարութիւնները:

Միքաթի նաեւ ընդունեց  արդարադատութեան  նախարարի պաշտօնակատար Շեքիպ Ղըրթպաուին,  Լիբանանի Կեդրոնական Դրամատան  գլխաւոր կառավարիչ  Ռիատ Սալամէն եւ այլ անձնաւորութիւններ:

Հրաժարեալ վարչապետը երէկ կէսօրէ ետք  մնայուն հաղորդակցութեան մէջ մնաց ներքին գործոց նախարարի պաշտօնակատար Մարուան Շերպէլ հետ՝   Տընիյէի շրջանին մէջ  ծագած  հրդեհը մարելու  կանխամիջոցներ ստեղծելու մտահոգութեամբ:

Իրանի դեսպանը նաեւ  այցելեց   նորանշանակ վարչապետ Թամամ Սալամին եւ  նոյնանման նամակ մը  յանձնեց անոր՝ Իրանի առաջին փոխնախագահէն:

LEAVE A REPLY

Please enter your comment!
Please enter your name here