ԱՍԱՏ ՀԱՒԱՍՏԵՑ ԹԷ ՊԱՐՏՈՒԹԵԱՆ ՊԻՏԻ ՄԱՏՆԷ ԸՆԴԴԻՄՈՒԹԻՒՆԸ

0
99

 Սուրիոյ  նախագահ Պաշշար Ասատ   հաւաստեց, թէ  պիտի  յաջողի պարտութեան մատնել իր հրաժարականը պահանջող  ծայրայեղական   ընդդիմութիւնը:  Սուրիական բանակի հիմնադրութեան  68-րդ տարեդարձին առիթով արտասանած իր խօսքին մէջ, Ասատ  շեշտեց.« Եթէ ինքնավստահ  չըլլայինք մեր յաղթանակին, կարելիութիւն պիտի  չունենայինք տոկալու»: Ասատ  դրուատեց   սուրիական բանակը,  հաստատելով, որ բանակը իր հերսական սխրագործութիւններով  պարտութեան  պիտի մատնէ    բոլոր տեսակի ճնշումներն ու դաւադրութիւնները:

Իր կարգին, Սուրիոյ վարչապետ  Ուայէլ Հալաքի յայտնեց, թէ  քաղաքական ընտրանքը   կը մնայ հակամարտութեան իտէալական  լուծումը:

«Տը Նիու Եորք  Թայմզ» օրաթերթը  կը գրէ, թէ  Իսրայէլ կը պատրաստուի  օդային նոր հարուածներ հասցնել Մոսկուայի կողմէ   Սուրիոյ  փոխանցուած ռուսական   հրթիռներուն: Միւս կողմէ, Սուրիոյ   իշխանութիւններուն դէմ պայքարող  Սէուտական Արաբիայէն,  Թուրքիայէն,   Իրանէն, Եգիպտոսէն, Աֆղանիստանէն եւ  հիւսիսային Ռուսիայէն  վխտացող  ծայրայեղականներուն  մէջ  պատկառելի  թիւ սկսած են կազմել  Ատրպէյճանէն   ժամանող  վարձկանները: Վերջին տուեալներով  վաթսուն ազերիներ կը   մասնակցին իշխանութիւններուն դէմ   պայքարին: Անոնցմէ  երեսունը  արդէն սպաննուած  է:

 

LEAVE A REPLY

Please enter your comment!
Please enter your name here